شاهد حكاية منى أول فتاة من ذوى الهمم تتعلم قيادة اسكوتر

كان نفسى في اسكوتر اتعلم عليها واشتغل عليها، هموت من الفرحة لو حد عملى مفاجأة وجابلى سكوتر"، بهذه الكلمات بدأت منى عصمت لـ"اليوم السابع"، صاحبة العشرون عامًا، وتعانى من ضعف السمع منذ الصغر .

وتقول منى لـ"اليوم السابع" :" كان عندى إعاقة في السمع من الصغر  ودخلت المدرسة وتعلمت تخاطب والحمد لله بقيت بتكلم ومركبة سماعة، ودلوقتى أنا في أولى معهد وكان نفسى اتعلم سكوتر ".

و استطردت حديثها قائلة :" الحمد لله اتعلمت قيادة الاسكوتر علشان اشتغل عليه، والكابتن فوفا علمتنى السواقة وبتعلمنى لو حصل عٌطل أعرف المشكلة منين، ونفسى حد يجيبلى سكوتر هدية ويعملى مفاجأة هموت من الفرحة".

في سياق متصل تقول فوزية عبد العزيز مدربة قيادة سكوتر للبنات :" انا بعلم البنات قيادة الاسكوتر و جاتلى منى وبقيت بعلمها ودماغها حلوة ومستجيبة واتفاجأت بسرعة تعلمها ودلوقتى بتقدر تسوق الاسكوتر بكل سهولة ".