بطلة من ضحايا الحروق: الرئيس السيسى سمع الكل صوتنا فى احتفالية "قادرون باختلاف"

أكدت رغدة عبد العزيز، من بطلات الحروق، فخرها بمقابلة الرئيس عبد الفتاح السيسى خلال احتفالية قادرون باختلاف، قائلة: "كنت فخورة جدا بمقابلة الرئيس السيسى وإن الكل سمع صوتنا وصوتنا بدأ يوصل وبدأنا نطلع للنور وقبل كده محدش كان بيشوفنا خالص وكان فى تنمر واستغراب بسبب التشوهات اللى فى وشنا".

وأشارت رغدة عبد العزيز، خلال حوارها ببرنامج "حديث القاهرة" مع الإعلامى خيرى رمضان وكريمة عوض، على قناة القاهرة والناس، إلى أنها استكملت مشوارها رغم اعاقتها بتشجيع من أهلها وأصدقائها، مضيفة: "مريت بتنمر ورفض للمجتمع لنا وأصيبت بالحروق فى سن 9 سنين ومكنش عندى ثقة فى نفسى وكان عندى تحدى واصرار أنى اكمل وهو ابتلاء من الله ووالدى كان معايا وديما كان يحكى لى قصص عشان أرضى وواجهت وعديت".

وتابعت: "المجتمع لازم يعرف اننا بشر ويكف عن النظرات الغريبة وبسعى اكون محامية عشان ادافع عن ضحايا الحروق، ولازم يحصل تشديد العقوبة على كل من يعتدى على المرأة والطفل بالحرق مع التوعية بمخاطر الحروق".