سميرة سعيد: احنا 8 أخوات وواضح مكنش فى تحديد نسل والكهربا كانت بتقطع كتير

قالت الفنانة سميرة سعيد، خلال استضافتها في برنامج "السيرة" مع الإعلامية وفاء الكيلانى، المذاع على قناة Dmc: "احنا 8 إخوات، وواضح إن مكنش في تحديد نسل في المغرب والحياة مقتصرة على التليفزيون والحياة الأسرية، والكهربا كانت بتتقطع كتير".

وأضافت سميرة سعيد: "والدى طبعا كان كويس ماديا، وقادر يكفى تعليمنا وحياتنا، وكل إخواتى اتعلموا وأخدوا شهادات، وأخويا أنيس سافر بلجيكا وحضر ماجستير وتزوج من بلجيكية وعايش هنا ولديه 3 بنات".

وتابعت سميرة سعيد: "أكتر مشهد مش بنساه كل شوية لما والدى ييجى كان يبقى شايل حاجات كتير طبعا عشان يقدر يسد أبناءه، وكمان منساش أبدا بيتنا في حى اسمه مابيلا، والغرفة اللى كنا بنلعب فيها وكان وقتها اخويا أمل بنتخانق سوا على مريلة المدرسة".