عمرو أديب: أول مرة أشجع الأهلي بروحي ودمي كان في مباراة الدحيل

أكد الإعلامي عمرو أديب، أنه طوال حياته لم يشجع فريق الأهلي، فيما عدا أمس خلال مباراته أمام الدحيل، وعلق قائلا: "شجعت الأهلي امبارح بروحي ودمي، معرفش ليه أكيد في سبب ما، ممكن يكون علشان ده كأس العالم للأندية، بس أنا امبارح كنت على أعصابي".

وأضاف خلال برنامج "الحكاية" الذي يذاع على قناة mbc مصر: "بعد ما شوفنا الشوط الأول من الماتش، قولنا فريق الدحيل ده تعبان أوي، وفي الشوط التاني، الموضوع اتغير خالص وبقى فيه تمريرات مفقودة من الأهلي بشكل كبير أوي، وحسين الشحات قبل ما يطلع نقل 4 أو 5 نقلات غلط".

قال: "دي ماتشات كأس والأهلي كسب وانتقل للمرحلة اللي وراها، ولو الأهلي لعب أمام بايرن ميونخ زي ما لعب الشوط الثاني من مباراة الدحيل، أنا شايف أن الكلام اللي كاتباه البايرن على موقعها اللي فيه اسقاط، ممكن تكون النتيجة 8_2 لأن أنت هتلعب قصاد عمالقة".