إسعاد يونس عن إلغاء مراسم العزاء بسبب كورونا: تمن كتم البكاء فادح

أكدت الإعلامية والفنانة إسعاد يونس أنها كانت تستغرب طقوس العزاء فى الماضى وإلغائها بسبب الزمن الحالي، موضحة أنها تربت على ضرورة البقاء بمنتهى الثبات، وبعد انصراف الجميع تتاح الفرصة للبكاء في خلوة.

وكتبت إسعاد يونس، عبر صفحتها بموقع فيس بوك: "كنت زمان بستغرب من طقوس العزاء، ليه تلات أيام وبعدين خمسان لحد الأربعين وبعدين سنوية؟، لكن دلوقتي بقيت بستغرب من إلغاء ده كله بسبب إيقاع الزمن الحالي".

إسعاد يونس

وأضافت قائلة: "وتيجي كورونا تقضي على اللى باقي من الطقوس، وكنت بسمع الكلام اللى بيقول محدش يعيط أو يصرخ، اتربيت على إن الواحد لازم يقف بمنتهي الثبات ويتصرف برجولة أثناء الطقس لحد ما ينتهى تماما وبعد انصراف الجميع يبقي يعيط لوحده، وفى الغالب ماكانش بيعرف يلاقي خلوة يعيط فيها".

وتابعت: "لكن مع الأيام وتكرار المآسي أصبح تمن كتم البكاء فادح، فهمت بعدين إن الثلاث أيام الأولى مهمة للتعبير عن الحزن وإعطائه حقه وجلاله، وفهمت إنه من حقى أعيط وأصرخ لأني إنسان مش آلة، فهمت حكمة الطقوس،  لأننا في زماننا ده مابنلحقش نحزن، بييجي الموت ورا بعضه  متلاحق سريع  بقسوة لا آدمية". واستطردت: "إذا كان چاهين قال (كتم الغنا هو اللي حايموته)، وكتم البكا والله يا صلاح".