شادى محمد: لاعيبة بايرن ميونخ مش بـ4 رجول علشان الأهلى يخاف

قال شادى محمد نجم الأهلى السابق، أن بطولة كأس العالم للأندية لها حسابات خاصة. وأضاف فى مداخلة هاتفية مع تليفزيون اليوم السابع، تعليقاً على توقعاته لمباراة الأهلى وبايرن ميونخ فى كأس العالم للأندية يوم الإثنين القادم قائلاً : الأهلى قادر على كل شيء لكن إحنا بنقابل فريق عالمى وفيه فروق فنية لكن مفيش مستحيل مع النادى الأهلى.

وتابع : إللى بيقول 5 و6 و4 والكلام دا من الفوز أو الهزيمة مش بحبه، مضيفاً : إحنا بنقابل بايرن ميونخ فريق عالمى والخطأ مش وارد ومينفعش يكون فيه أخطاء كتير والأهلى بيكسب من المباريات دي.

فى سياق متصل قال: اسم النادى الأهلى فى العالمية وبيمثل أفريقيا وهو أفضل إدارات على مستوى أفريقيا نادى "بنكهة عالمية". وتابع : لاعبيتنا زى لاعيبة البايرن لاعيبة البايرن مش بـ4 رجول علشان نخاف وهما زى لاعيبتنا بس هما فكرهم مختلف.