عمرو أديب يشيد بتطورات العاصمة الإدارية الجديدة: "مش هنشوف مدام محاسن تانى"

أشاد الإعلامى عمرو أديب، بتطورات ومباني العاصمة الإدارية الجديدة، لاسيما وأنها تبنى بشكل صحيح وعلى الطراز الحديث، قائلا: "النهاردة أنت بتبنى قاهرة جديدة وعاصمة جديدة.. والجميل فى الأمر انت بتبنى صح".

وأردف: "التشغيل الذكي هيكون موجود.. ومدام محاسن مش هتبقى موجودة تاني.. مش هنشوفها تانى.. الناس اللى اتظلمت على مدى 30 أو 40 سنة.. الدولة بتساعدك وبتمد إيدها لـ30 و40 سنة جايين.. كل ده من اجتهاد وعرق المصريين".

أضاف عمرو أديب، ببرنامج "الحكاية"، أن مجلس النواب الجديد فى العاصمة الإدارية يسع 1000 عضو، وهذا الأمر سيحل مشكلة التباعد الاجتماعى الذي يضغط على المجلس الحالى، متابعا: "من أهم الحاجات اللى زارها الرئيس النهاردة مجلس النواب الجديد.. مجلس نواب به قاعة بتاخد 1000 عضو وفيه أول سارى علم مصر.. والجميل فى الأمر إنه بينتهى حاليا وهتنقل كل حاجة فيه".

وتابع عمرو أديب: "الناس اللى بيهاجمونا بره زهقت من الكلام عن هذه المسائل لأنها بقت موجودة بالفعل، وبقى يدوروا على حاجات تانية"، مردفا: "من أفضل الأشياء اللى بتحصل التشغيل فى العاصمة الإدارية الجديدة، وأى حد فتح نصبة شاي فى العاصمة الإدارية ربنا كرمه.. ولما تشوف اللى بيحصل تقول فيه أمل".