الست «مديحة» إيدها تتلف فى حرير.. 60 سنة فى صناعة الكليم (فيديو)

الحاجة مديحة صاحبة الأنامل الذهبية 60 سنة فى صناعة القزازية، أو ما يعرف بالكليم اليدوى الذى يأخذ من صوف الأغنام، صناعة بدأت فى الاندثار ولكنها لن تتلاشى مع وجود أقدم صانعة كليم فى مصر وهى الحاجة مديحة.

تقول الحاجة مديحة: "بقالى 60 سنة فى صناعة الكليم ده أتعلمته من أبويا الله يرحمه اللى ورث المهنة من نسيبه، واشتغل معاهم وبعد كده علمنى وبقيت أشتغل معاه ومكنتش باخد جنيه أبويا هو اللى بياخد وبيصرف علينا".

وتابعت الحاجة مديحة، "نظام البيع والشراء بالكيلو يعنى بيجى التاجر يدينا الصوف الصبح ويعدى ياخده بالليل كليم وإحنا بناخد بس صنعة أيدينا".

واستكملت قائلة، "الكليم ده كان زمان بيستخدموه كبطاطين مكنش سجاد زى دلوقتى وكان بينشغل بأشكال جميلة ومزينة بالورود، لكن دلوقتى مبقتش بطاطين بقى الكليم مفارش وسجاد فقد قيمته".

وأوضحت الحاجة مديحة، أن "الكليم يعيش عن السجاد وعملى وصحى ويتحمل كل حاجة، وفى الغطا صحى عن الفايبر ولو تعبان واتغطيت بيه تقوم صحتك حلوة، ياريت الناس ترجع تتغطى بالكليم".