فتيات عن تجاربهن مع جهاز العروسة: الكيتشن ماشين ملوش لازمة والميكروويف مهم

جهاز العروسة
جهاز العروسة
كتبت شروق عبد العظيم الباسل

يعتبر "جهاز العروسة" من اهتمامات أى فتاة مقبلة على الزواج، والتى لم تكن تفكر فيه قبل الارتباط أو الخطبة، فتقف حائرة حول معلومة تفيدها بالأشياء الأكثر أهمية التى يجب عليها شراؤها، وتقع الأمهات قليلة الخبرة فى أخطاء شائعة، فتتجنب شراء أشياء مهمة وتهتم بشراء الأقل أهمية، لذلك تحدث "اليوم السابع" مع الفتيات عن أبرز الأخطاء الشائعة وكيفية تجنبها.  

تقول إسراء سعيد 31 عامًا متزوجة منذ 10 سنوات: "أنا وقعت فى مشكلة إن ثلاجتى صغيرة جدًا، مفيش مساحة لحاجة، كنت المفروض أسأل قبل ما اجبها، لأنها بالنسبالى عاملة زى العلبة"، وتابعت: "السجاجيد كمان مامتى قالت لى اجبها خفيفة عشان أعرف أنضف بسهولة، فتقريبًا جبت مشيات مش سجاجيد ودى مشكلة فى الشتاء".

سجاد
سجاد

أما مى محمد 26 عامًا متزوجة منذ عامين قالت: "أنا مجبتش ديب فريزر، مكنتش أعرف إنه مهم كدة، بس بعد الجواز اكتشفت أهميته، وكمان احتست فى نوع المطبخ، كنت المفروض أسأل حد عشان الاستعجال جبت خشب وخلاص ودي كانت أكبر غلطة".

ميكروويف
ميكروويف

وتقول داليا سيد 30 عامًا متزوجة منذ 12 عاما عن الأخطاء التى وقعت فيها أثناء التجهيز: "مجبتش غسالة أطباق، كنت فاكرة إنها رفاهية، بس مع الوقت اكتشفت إنها ضرورة خصوصًا مع الست اللى بتشتغل، والميكروويف كمان مهم جدًا أنا كنت بستخدم البوتجاز، لكن الميكروويف أمان خصوصًا فى وجود أطفال".

غسالة الأطباق
غسالة الأطباق

"الحلل الألومنيوم ملهاش لازمة وعبارة عن فلوس بتترمى على الفاضى، وأهم نصيحة للعرايس متكترش فى المفروشات اللى هى الملايات والفوط، عشان بتطلع أشكال جديدة موضة وبتحتاج تغيرها والقديم هيترمى" كان هذا رأى آية عبد العزيز 34 عامًا متزوجة منذ 14 عاما.

وتقول منة أسامة 26 عامًا ومتزوجة منذ عامين: "النجف المودرن سيئ جدًا لأنه بيكون شكل على الفاضى والإضاءة ضعيفة، وبتحتاجى إضاءة أحسن معاه، مش كل حاجة الشكل"، وعن الملابس قالت: "أنا بنصح البنات يجيبوا الألوان الأساسية زى الأسود والبنى فى الجواكت، لأنها كده كده هتجدد لبسها كل سنة، لكن فى حاجات أساسية لازم تكون موجودة زى الجواكيت".

أما داليا على 37 عامًا متزوجة منذ 10 أعوام تقول: "الأطباق الملامين دى ملهاش لازمة، ومش صحية أصلًا، لو عشان الأطفال ممكن ياكلوا فى بلاستيك صحى وأنضف، والكتشين ماشين برده مالوش لازمة وغالى على الفاضى، وفى حاجات من يوم ما جبتها مستعملتهاش، عشان كدا أنا من رأيى تجيب الخلاط، والكبة، والعصارة كل حاجة لوحدها، بس يكون نوع حلو وكده أوفر وأحسن".

كاتشين ماشين
كتشين ماشين

وتقول دعاء جمال 30 عامًا متزوجة منذ 3 أعوام: "أنا نسيت أجيب سلم، وبعد الجواز اكتشفت إنه مهم جدًا، والعجان فعًلا مالوش لازمة، الناس اللى بتجيبه ضرورى تكون بتخبز غير كده مش مفيد".

سلم
سلم

وترى نور أحمد 29 عامًا متزوجة منذ 4 أعوام من وجهة نظرها أن التركيز أثناء شراء جهاز العروسة مهم جدًا، حتى لا تنسى الأشياء الأساسية، وعن ذلك قالت: "أنا نسيت مضرب البيض، والبطاطين بتاعتى خفيفة أوى مسألتش أجيب نوع إيه، وللأسف كان نوع سيئ جدًا ومش بيدفى".

مضرب البيض
مضرب البيض

وتقول شمس أحمد 27 عامًا متزوجة منذ 3 أعوام: "أنا جبت سجاد كبير مقستش المساحات ودى كانت غلطة، لأن البيت قلب معرض سجاد، وكان لازم أسيب مساحة بين السجادة والثانية، ونسيت أجيب كسوة للأنتريه والصالون عشان أحافظ عليهم وده بهدلهم طبعًا، وبنصح البنات يجيبوا عفش تفصيل لأنه بيكون أفضل وأرخص من الجاهز".

واختممت منى سامى 25 عامًا ومقبلة على الزواج قائلة: "أنا اختارت مشتريش نيش لأن مالوش لازمة وفيه حاجات أهم، طبعًا كله كان معترض، لكن أنا شايفة مساحة شقتى متتحملش نيش ومبسوطة كده أكتر".

Google News تابع آخر أخبار اليوم السابع على Google News

Trending Plus

اليوم السابع Trending

الأكثر قراءة

ترامب: شعرت بخيبة أمل كبيرة من محادثتى مع الرئيس بوتين وكنت شديد الإحباط

تعادل الولايات المتحدة ضد المكسيك 1-1 فى شوط مثير بنهائى الكأس الذهبية

بي اس جي ضد الريال.. 3 غيابات فى "قمة الرعب" بنصف نهائي مونديال الأندية

ترامب: إيلون ماسك ينحرف تماما عن مساره ويتحول إلى كارثة حقيقية

شهيدان ومصابون بقصف على منزل وسط مخيم البريج بقطاع غزة


مفاجآت فى قائمة أبرز المرشحين للتتويج بلقب كأس العالم للأندية 2025

عبد المنعم شطة نجم الأهلى السابق يحتفل بعيد ميلاده الـ"72" اليوم

زى النهارده.. الأهلى بطلا للدوري للمرة الثامنة على التوالى بالتعادل مع سموحة

اعترافات المتهمين بالتنقيب عن الآثار بحثا عن الثراء فى بولاق الدكرور

إعلام عبرى: طائرات سلاح الجو ألقت نحو 20 صاروخا ثقيلا على الحديدة


إعلام حوثى: نحو 20 غارة إسرائيلية على عدة مواقع فى الحديدة باليمن

أيمن الشريعى: عبد الناصر محمد رغبته الاستمرار معنا.. وهنلعب بـ11 ناشئا

حلمى عبد الباقى وطارق الشيخ وهانى الأسمر وأمينة يقدمون واجب العزاء فى أحمد عامر

كيف تحمي نفسك من النصب خلال التسوق الإلكتروني؟.. التفاصيل

رئيس الوزراء: مصر ترفض أي خطط لتهجير أو نقل سكان غزة بعيدا عن وطنهم

أحمد السقا ضيف برنامج كلام كبير مع مها الصغير على قناة ON E.. فيديو

ثيو هيرنانديز يغيب عن معسكر ميلان تمهيدًا لانتقاله إلى الهلال السعودى

بشائر خير فى الزمالك خلال 24 ساعة

ميركاتو الأهلى..7 راحلين و8 صفقات جديدة والقوس لا يزال مفتوحا

الجيش الإسرائيلي يعلن مقتل قائد القوة البحرية لحماس شمالى قطاع غزة

لا يفوتك


المزيد من Trending Plus
Youm7 Applcation Icons
اليوم السابع اليوم السابع اليوم السابع اليوم السابع اليوم السابع اليوم السابع هواوى