ساويرس لتليفزيون اليوم السابع: النجاح مش بالفلوس..وفى دراستى كنت بغسل عربيات

كشف رجل الأعمال، المهندس نجيب ساويرس، إنه عمل خلال فترة دراسته، حتي يتمكن من الإنفاق على نفسه، موضحًا: "اشتغلت في غسيل الأطباق، واشتغلت في أحد الفنادق، واشتغلت في غسيل العربيات بسويسرا وكانت شغلانة حلوة، خاصة إن الدنيا كانت بتمطر على طول".

وأضاف ساويرس، خلال حواره على تليفزيون اليوم السابع: "بشيل فلوس كاش في جيبي.. النجاح مش بس فلوس، ولازم تتعلم عشان تشتغل، واللى نفعني إني كنت بشتغل وأنا بدرس، وبساعد والدي خلال سفره في ليبيا، بخلاف البيزنس الذي اتجهت له، وبذلك خرجت بخليط مختلف في العمل"، مؤكدًا أن سلاح كل شخص هو التميز في ناحية ما.



وفي نصائحه، قال: "محدش بينجح غير بطريقته، ولما تقلد حد هتفشل، واللى مش هيجازف وياخد مخاطر مش هيعمل حاجة.. الجواز مخاطرة.. بس إن شاء الله نتيجتها محسومة".

وتابع :"الحظ ليه دور كبير ومطلوب.. والبني آدم النحس مش هيروح في أي حتة.. والحظ مش هيروح لواحد كسلان، وبالتالي كل إنسان يصنع حظه بنفسه، وأفضل استبدال كلمة الحظ برضا ربنا، وطوال عمرى بحاول أرضي ربنا على قد قدرتي، ومتأكد إن ربنا بيحيني"، مؤكدًا: "أنا مش بخيل لكن بالتأكيد غياظ جدًا وخاصة لما ألاقى حد نفسيته مش كويسة جدًا".