فيديو.. نجيب ساويرس: بخاف من العين والحسد.. وأنا صغير كنت بكسر إشارات المرور

قال رجل الأعمال، المهندس نجيب ساويرس، :"بخاف من العين والحسد وكل دا موجود في الكتب السماوية .. وشوفت ناس عينها تكسر الزجاج .. ناس كتير والناس اللى نفسيتها وحشة عينها بتطلع في حاجة.. عشان كدا مش بحب أحط صور ولادي على السوشيال ميديا ومش بحب أروح لحد من رجال الدين، ومنى لربنا وبسأله وبستشيره ولو عندي ذنوب بعترف بيها".

وتحدث عن علاقته بأخوته، قائلًا خلال حواره على تليفزيون اليوم السابع، :"مفيش غيرة ولا منافسة بيني وبين أخواتي، وكلنا مختلفين في شخصياتنا ، وكل واحد ليه طريقته الخاصة".

وتابع: "مش بحب المغامرات اللى بيكون فيها مجازفة بالحياة، ونطيت مرة في إحدي بحيرات سويسرا في الشتاء، ولكن اليوم عقلت، وجناني في المشاريع والأفكار".

كما تحدث رجل الأعمال، المهندس نجيب ساويرس، عن فترة طفولته، موضحا:"كنت بعمل حاجات مجنونة، ولما كنت صغير كنت بأخد الموتوسيكل واروح أكسر الإشارات وامشى وسط العربيات.. لكن الطفل دا عقل شوية دلوقتي، لكن لسه عندي حاجات مجنونة لحد دلوقتي".