خالد الغندور: "الأهلى معاه حق فى هروب رمضان صبحى من المنتخب.. بيتفسح فى دبى"

أكد الإعلامى خالد الغندور، أن رمضان صبحى لاعب بيراميدز يستحق الاتهام بالهروب من منتخب مصر بعد سفره لدبى وقيامه بالتزحلق على الرمال رغم الإعلان عن إصابته بشد، وقال بندق فى برنامجه اللعبة الحلوة عبر إذاعة أون سبورت إف إم :" الأهلى معاه حق فى اتهام رمضان صبحى بالهروب من المنتخب، لأن اللاعب متواجد فى دبى وبيتزحلق على الرمل رغم الاعلان عن إصابته بشد".

ويضيف خالد الغندور: "إزاى يا جماعة عنده شد وبيتزحلق على الرمل، رمضان صبحى وشريف إكرامى وعبد الله السعيد فى دبى بيتفسحوا مع بعض، وللأمانة بردو مكنش ينفع أيمن أشرف يسافر مع المنتخب لكينيا، عنده إجهاد وراجع من مباراة صعبة على الترتان فى الكونغو مع فيتا كلوب فمكنش ليه لزوم يسافر مع المنتخب، خاصة أنه مش هيلعب يبقى ليه نجهده بالسفر".

وتابع خالد الغندور: "حسام البدرى مش مسئول عن إصابة حمدى فتحى، هو برىء منها يتحملها طبيب المنتخب واللاعب، لأن اللاعب لما خرج أول مرة كان يقول أنا تعبان ومش قادر أكمل والدكتور بيسأله وبالتالى يقول للبدرى ويخرجوه".