قبطان قاطرة "عزت عادل": مانمناش من أول جنوح السفينة وبكينا بعد نجاح العملية

قال قبطان شحتة قورة قبطان القاطرة "عزت عادل" وأحد أبطال إنقاذ السفينة الجانحة، إنهم عملوا تحت ضغط كبير ولم يناموا منذ جنوح السفينة، وأنه بعد نجاح العملية بكوا جميعاً، قائلاً: "والله بكينا أول ما العملية نجحت".

وكشف: كنا بنراقب خط سير السفينة بالملى عشان ممتحركش مننا تانى.. ولما كانت ببتحرك زى أب منتظر مولده.. ولازم ندخل السفينة واحدة وحدة لمنتصف القناة.. وبنتى زغردت لما سمعت أنها اتحركت.. وبشكر كل العاملين فى تحريك السفينة ورئيس القناة.

وأضاف خلال مداخلة هاتفية مع الإعلامية لميس الحديدى ببرنامجها كلمة أخيرة المذاع على قناة on، : " اللى حصل فى السفينة الجانحة يدرس فى العالم.. لو فى مكان تانى كانت العملية دى خدت أكثر من 5 مرات.. والفريق اللى حرك السفينة أحسن فريق فى العالم.. كنا بنحرك جبل كبير وبنقاوم الطبيعة لشدة التيار التى يصل شدته 4 ونص عقدة وأصعب حاجة تعمل ليها عمليه تعويم".

وتابع : " كنا بنشتغل تحت ضغط غريب جدا بسبب صورة الكراكة إلى كانت بتشيل الرمال من مقدمة السفينة من السوشيال ميديا وبقولهم اتقوا ربنا.. ولأعداء البلد سبونا نشتغل".