محمد رشاد: بفكر أعمل أغانى مهرجانات والنوع ده منتشر زى الفيروس

لقاء خاص أجراه تليفزيون اليوم السابع مع النجم محمد رشاد، كشف فيه عن أهم مشاريعه الفنية خلال الفترة المقبلة، كما يتحدث في اللقاء عن الأزمات التي  تعرض لها  خلال الفترة الماضية وتقييمه لها وكيف نجح فى الخروج منها.

وعن المهرجانات قال محمد رشاد :" كل الناس بتسمع المهرجانات .. يمكن في البداية الكلمات كانت بتضايقنى .. كل الأسرة كانت بتسمع بنات وولاد وانا كنت بغير عليهم من بعض الكلمات .. مؤخرا الموضوع اتهندل بشكل كويس بقا في كلمات حلوه .. وبقى في مزيكا حلوه .. أكيد في حاجات مش حلوه لكن الأغلب بقا كويس "

وأضاف :" المهرجان زى الفيروس .. ممكن ينسيكى اى حاجه ..  أنا بسمع مهرجانات أه "

وعن دخووله فى قصة حب جديدة قال رشاد :" بعيش قصة حب جديدة مع الجمهور " 

وخلال اللقاء أدى محمد رشاد موال مشيرا إلى أنه يفكر في عمل أغانى مهرجانات قائلا :" بس أكيد هتبقى شيك "

وحول الصعوبات التي واجهته قال: أول حاجة واجهتني إني أسيب مدينتي وأجي القاهرة ووقتها كنت بسأل نفسي هل أقدم صوتي للناس ولا لأ؟

وتابع : أمي دايماً كانت في ضهري بتحفظني قرآن وبتشجعني أكتر على القراءة، حيث تلا عدد من آيات القرآن خلال استضافته بتليفزيون اليوم السابع.

وذكر أنه كان يهدف إسعاد والدته في المسابقات التي خاضها.