تامر أمين وتهمة إهانة أهالى الصعيد.. بداية الأزمة حتى البراءة (فيديو)

قضت محكمة جنح مدينة نصر، ببراءة الإعلامى تامر أمين من تهمة سب وقذف الشعب المصرى وإهانته؛ فى الجنحة المباشرة المرفوعة ضده، وتتهمه بالتجاوز في حق الشعب بعد إحدى حلقات برنامجه "آخر النهار".

تعود الواقعة إلى فبراير الماضى عندما تناول تامر أمين أزمة الزيادة السكانية في إحدى حلقات برنامجه، وتناولت تصريحاته بشكل "سلبى" ظاهرة الإنجاب في الصعيد والريف.

وكان الإعلامى تامر أمين، اعتذر عن إهانته لأهالى الصعيد فى برنامجه، وقال فى فيديو: "أقدم اعتذارا واضحا وصريحا لا لبس فيه لكل أهالينا فى الصعيد وفى كل مكان بمصر، اللى زعلانين منى، أنا لا هكابر ولا هآوح، أنا من الناس اللى بتعتذر لما تحس إن الناس زعلانة منها، حتى لو كانت نيتى يعلم بيها ربنا نيتى خير وكان الهدف هو المصلحة العامة".

 وأضاف تامر أمين: "أنا أكتر حاجة تضايقنى فى الدنيا إن واحد صعيدى بس أو واحدة صعيدية بس يزعلوا منى، وأنا من أكتر المؤمنين بالصعيد واحترام الصعيد وعزة نفس الصعيد وكرامة الصعيد وأصل الصعيد، صعيد مصر هما أصل مصر اللى طلعولنا الناس المفكرين والأدباء والناس الشريفة المحترمة".

وتابع تامر أمين: "والله ما قصدتش الإهانة أبدأ، ودى آخر حاجة تيجى على دماغى، وآخر حاجة في الدنيا إن يبقى حد صعيدى زعلان منى، فأنا بقول لكل صعيدى وصعيدية جزمتكم على راسى من فوق، وأنا ابنكم وأنا ابن ريف مصر، ونسايبى أساساً من الصعيد مرات أخويا من الصعيد وبتشرف بيها وبالنسب دا".