أحمد العوضى عن ياسمين عبد العزيز: الشغل مع وحش الكون أحلى حاجة

علق الفنان أحمد العوضى، على دوره سيف الخديوى فى مسلسل اللى مالوش كبير : " الشغل مع وحش الكون أحلى حاجة فى الدنيا.. ووحش الكون خلاص.. وكرم من ربنا عن الشخصية دى والناس حبتها.. وديما بشتغل الشخصيات الأقرب للحقيقة.. وعشان انا من منطقة شعبية واتعاملت مع نوعيات من البشر وطول الوقت فى الشارع".

وأضاف خلال مداخلة هاتفية مع الإعلامية لميس الحديدى عبر برنامجها كلمة أخيرة المذاع على قناة اكسترا نيوز: " الخديوى ده موجود بحركات ايدة وخواتمه موجودة.. وكلام وحش الكون.. وعلى الله حكايتك ياست كلام حقيقى للشخصية.. وحاليا انا بخلى الناس تاخد الكلام ومن شخصية العوضى من المسلسلات وليس العكس".

وتابع : "الشخصية دى تعبت عليها جامد جدا.. وسيف الخديوى متعب فى الكلام ومش مهروس ومتقالش قبل كده.. المشاهد بين ياسمين وعوضى، فى ليلة الصباحية حقيقة وفعلان أنا بحب الكبدة النية، وكلت كبدة نية فى الصباحية مع ياسمين.. أنا بتعلم من الفنان خالد الصاوى وشخصية جميلة جدا.. بمشى مع اللى يعلى بعد كده على شخصية سيف الخديوى فى أى عمل جديد".