"نيفين" طورت حبها للبواريك وعملت ورشة فى بيتها .. وتنصح البنات: ماتشتروش أون لاين

تسعى الكثير من الفتيات إلى تغيير مظهرها كل فترة، بدءًا من تغيير استايل الأزياء إلى تسريحات الشعر المختلفة والصبغات، وهو ما قد يكلفها الكثير من المال، وفى بعض الأحيان قد يتسبب التغيير الدائم فى لون الشعر إلى تدميره بسبب الصبغات.

وتعتبر باروكة الشعر أو الشعر المستعار واحدة من أكثر الحلول التى تستخدمها الكثير من الفتيات لتغيير تسريحة الشعر أو لونه لفترة من الوقت، ففى وقت قصير جدا يمكنك تغيير تسريحة شعرك وتغيير طوله بكل سهولة.

بواريك شعر مختلفة

ورغبة منها فى توفير الكثير من الأموال ومحاولة لعلاج شعرها، بدأت نيفين بيتر التفكير فى استخدام الشعر المستعار أو الوصلات، وبدأت حلمها فى تصنيع باروكات الشعر بنفسها بدلا من دفع الكثير من الأموال لشرائها جاهزة.

باروكة شعر

وعن بداية فكرتها قالت نيفين: "وأنا فى الكلية كنت بحط اكستينشن وبعد كده بواريك طبيعية، وكنت بصرف كتير على الموضوع ده، وكل الناس من حولى كانوا شايفين أن الموضوع تافه، وإزاى ادفع كل الفلوس دى فى حاجة زى كده".

وتابعت نيفين: "الموضوع فعلا فرق معايا جدًا وعالجت شعرى لأنى ماكنتش بجهده بالصبغة ومكواة الشعر، ووفرت كمان فلوس كتير وخصوصًا فى المناسبات، لأنى بكون جاهزة من غير مصاريف كوافير وتضييع وقت".

نيفين مرتدية إحدى بواريك لشعر

حب نيفين لاستخدام بواريك الشعر الطبيعية دفعها لاتخاذ قرار تصنيعها بنفسها، وبدأت بماكينة صغيرة فى منزلها، قائلة: "قلبت البيت ورشة، وبدأت أدور على الناس القليلة جدا اللى بيستوردوا الشعر الطبيعى ويدخلوه مصر، وجبت أجود أنواع الشعر وعملت أول باروكة كاملة ليا وبعد كده لماما".

باروكة شعر قصير

ونظرًا لأن اختيار باروكة الشعر المناسبة قد تكون مهمة صعبة للكثير من الفتيات وجهت نيفين بيتر بعض النصائح للفتيات التى ترغب فى شراء باروكة للشعر قائلة :"البواريك ماتشتريهاش أون لاين، الأول لازم تشوفى خصلة الشعر وتلمسيها، وتشوفى تقفيل الباروكة نفسها وتقسيها عليكى وعلى وشك وترتاحى فيها جدًا".

شعر طبيعى

نيفين تصنع باروكة شعر

ونصحت الفتيات لتحقيق أحلامهن قائلة :"دايما مصدقه أن جوانا إحنا البنات طاقة وإصرار، ولو الظروف أديتنا فرصة هنبهر اللى حوالينا".