على غزلان يعلن خطوبته على فرح شعبان ملكة جمال مصر 2017 بصور ورسالة رومانسية

أعلن اليوتيوبر على غزلان، خطوبته على فرح شعبان ملكة جمال مصر لسنة 2017، ونشر غزلان وخطيبته صورا من حفل خطوبتهما، ووجه على عزلان رسالة رومانسية إلى خطيبته على صفحته الشخصية بموقع "فيس بوك"، قائلا: " رُبّ قدرٍ يُساق إليّنا خيرٌ من ألفِ حُلم.. كل انسان ليه ٢٤ قيراط ف حياته وأنا ربنا رزقني بيهم كلهم فيكي".

على غزلان على فيس بوك

وأضاف على غزلان: "من يوم ما شوفتك ما شوفتش غيرك.. كأن حياتى بدأت من النقطة دي.. كل حاجة فيا اتغيرت.. ابتديت أشوف كل حاجة بشكل مختلف.. إبتديت أعيش بجد.. حتى النفس اللى بتنفسه بقى ليه طعم تاني.. ازاى ده حصل وإمتى وليه ؟!.. معنديش تفسير غير انى بحبك.. بحبك كأنى كنت تايه وفجأة وصلت".

خطوبة على غزلان وفرح شعبان

واستكمل غزلان رسالته الرومانسية لخطيبته: "أول ما قابلتك حسيت اني أخيراً في المكان المناسب.. كنت بدور على الحب طول السنين اللي فاتت ولما قابلتك اكتشفت اني كنت بدور عليكي انتي.. كنت فاكر اني متأخر.. بس معاكي اكتشفت ان كل حاجة بتيجي في وقتها.. وان المعجزة اللي عشت بطلبها من ربنا عشان تغير حياتي كانت (انتي)".

على وفرح

خلال حفل الخطوبة

كما نشرت فرح شعبان ملكة جمال مصر في عام 2017، صور من حفل خطوبتها على اليوتيوبر علي غزلان على حسابها الشخصي بموقع "انستجرام"، وعلقت قائلة: " قالوا زمان تفائلي بالخير تلاقيه ،، ولقيتك".

فرح شعبان على انستجرام