كرستين تصمم إكسسوارات بطعم البحر.. تستخدم الرمل والصدف والريزن للتنفيذ

"أنا بحب القواقع جدًا، سر حبي ليها أنها مختلفة عمرك ما تلاقي واحدة شبه التانية"، بهذه الكلمات بدأت كرستين توفيق تحكي لنا قصة شغفها بصناعة الإكسسوار باستخدام صدف البحر، وساعدها في ذلك عادة طفولية فعلتها منذ الصغر وهي تجميع قواقع وصدف البحر كهواية، وتحولت مع الوقت إلى عمل إبداعي. 

كرستين توفيق

قالت كرستين: "الموضوع بدأ أنى بحب بعمل إكسسوار لنفسي، ومن وأنا صغيرة وأنا بحب أجمع قواقع وصدف البحر مع بابا وأخواتي، وكنت بلعب بيهم في الأول، في مره حد قالي بتجميعهم ليه طالما من غير فايدة، فقررت فعلًا أعمل بيهم إكسسوار ونزلت اشتريت الخامات وبدأت أنفذ".   

صدف 

 ولأنها إسكندرانية النشأة ساعدها ذلك في الحصول على القواقع والصدف بسهولة، وساعدها أيضًا عمل إحدى أقاربها في مجال الإكسسوار فكانت تذهب معها الي المعارض والأماكن للعرض الإكسسوار الخاص بها، مما جعل الأمر سهلاً، بدأت كرستين صناعة اكسسوار خاص بها، وتقول في البداية كانت المنتجات تخرج بأخطاء، ولم تكن بالجمال المطلوب ولكن مع الوقت تحسن أداء كرستين وطورت من نفسها.

قواقع البحر 

قالت كرستين "عمرك ما تلاقي قوقعة شبه الثانية كأنها زي البني ادمين حتى لو شبه بعض، تلاقي برده اختلافات"، وتابعت كرستين "باستخدم مع القواقع نحاس وباستخدم الريزن وأوقات استخدم الصلصال الحراري عشان في الشتاء الناس مش بتلبس قواقع اوي"

تابعت كرستين: "كمان أنا بشتغل بزجاج البحر وده عبارة عن بواقي زجاج مكسر مع الرملة والبحر والملح يتحول لزجاج مصنفر وحوافه ناعمة، واستخدمه في صناعة الإكسسوار برده"، ولكنها لم تجد من هذا الزجاج سوي ألوان ثابتة الأخضر والأبيض لذلك قررت تحويله إلي زجاج مصنع للعب في الوانه.

زجاج مصنع 

رغم شغفها بالإكسسوارات تواجه كرستين بعض الصعوبات فتقول إن تسويق عملها باستخدام الإنترنت غير مجزي، كما انها حاولت وضع الإكسسوار الخاص بها في احدي المحلات ولكن الأمر يتطلب منها التفرغ خاصة في ظل وجود دراستها، التي تاخذ منها معظم الوقت، فهي تحاول توفير الخامات والعمل فالوقت نفسه ما يصعب عليها الأمر. 

اكسسوار الصدف

لكن في مقابل هذه الصعوبات تحظى بدعم أسري يشجعها كثيرًا فتقول "جميع أفراد عائلتي بيدعموني، ويعطوني آرائهم في الإكسسوار بتاعي، و بالأخص بابا من أكتر الناس اللي بتشجعني في البيت وأخواتي كمان الكل بيساعدني عشان أنجح وأكون أحسن، كمان اتعرفت علي ناس جديدة بيدعموني ويشجعوني طول الوقت "

صدف

حلق

حلق من القواقع

صدف