سيد عبد الحفيظ لتليفزيون اليوم السابع: خريج مدرسة الأهلى مختلف وده سر النجاح

قال سيد عبد الحفيظ مدير الكرة بالنادي الأهلى، إن النادي بمنظومته ومؤسسته يعمل بروح الجماعة، وهذا أحد أسرار النجاح على مدار السنوات الماضية. وأضاف في لقائه مع تليفزيون اليوم السابع، أنه لديه تعاملا خاصا مع لاعبي الفريق خارج نطاق العمل وخارج الملعب.

وحول جزاءات النادي الأهلى للاعبين قال: خلينا نروح لواقع عايشينه، فيه أمور بعيدة عن السلوك، فيه أمور انضباطية زي ما بتاخد حقك تالت ومتلت إديني حقي، إحنا عندنا لايحة واللاعبين مش بيعترضوا لأننا ماشيين على نظام في الحضور وكل شيء.

وتابع: في النادي كله بيقولوا روح الفانلة الحمرا، لكن النادي الأهلى خطف الأضواء، أول نادي يلعب بروح الفانلة الحمرا وحالة التركيز. وحول تعصب بعض الجماهير في التشجيع قال: في الفترة الأخيرة بقى فيه تطاول بدلا من الانتماء وأنا مش بحب دا وأنا أرفض إهانة شخص أو نادي كرة.

وحول حياته الشخصية ذكر: زوجتي رصيدها عندي كبير ومظلومة معايا، أنا بدخل نادي الأهلى مش بعرف هخرج الساعة كام بليل، لانه بيستجد حاجات كتير معايا وأم أولادي دورها كبير معايا. وقال إنه محظوظ بالعمل مع الكابتن محمود الخطيب رئيس النادي الأهلى مضيفاً : الأهلى بيتي وخريج مدرسة الكورة في الأهلى مختلف في كل شيء بيعرف إزاي يتكلم ويتعامل كورة وكل شيء.