"غضب السيدات" يثير جدلا بين مقدمى "راجل و2 ستات".. شريهان أبو الحسن: دراسة علمية تؤكد ارتباط حدة الغضب بالحالة النفسية.. هيدى كرم: الاعتذار الصريح وإبداء الندم بينسى الخطأ ويحل المشكلة

أثار غضب الستات جدلا بين الفنان أحمد صلاح حسنى والإعلامية شريهان أبو الحسن والفنانة هيدى كرم عبر برنامج راجل و2 ستات المذاع على قناة on، حيث علقت الإعلامية شريهان أبو الحسن: "الصحاب بيبوظوا بعض وفيه مشكلة الست مع جوزها تحكى مع أختها ووالدتها وصحابها تلقيهم هما بيسخنوا عليه، ولازم ننتبه ليها، فتلاقى الستات بعد ما كانت هى اللى ميالة انها تصالح وتقرب وهذه لها علاقة بالتربية، وأحيانا لمة الستات دى لازم تاخدى موقف، والست بتلم وتحتوى أكتر من الرجال".

وأضافت: "لو فيه بيت الست هى اللى مش بتشيل وتلم كان بيوت كتير مكملتش، وعندنا جيل المفروض تعيش زى ستك، والست بقى عندها فكرة الاحتواء بترجع مش زى زمان وده سبب لمشاكل الطلاق حاليا".

وعلقت الفنانة هيدى كرم: "الست هى اللى بتلم البيت والست لم تزعل الراجل فى العلاقة متعرفش تحتويه، ومتعرفش بتيجى اخر اليوم وتطبطب".

وعلقت الفنانة هيدى كرم: "الست بتلم البيت بحكم تربيتها، والاعتذار والطبطبة للراجل طبعا، والست بتقبل الاعتذار وتعيش، وبشوف الست على طول مش غلطانة، والست ممكن تصالحك وانها تعترف انها غلطانة قدامك وهى زعلانة، والست لما الراجل يعتذر والست عارفة انه بيعتذر مش على مزاجه مش هتقبل الاعتذار نهائى".

قالت الإعلامية شريهان أبو الحسن، إن دراسة أمريكية أكدت أن درجة وحدة الغضب ليس لها علاقة بالرجل أو الأنثى بل بالحالة النفسية، ولا لها علاقة بالموقف نفسه ولكن ليها علاقة بالحالة النفسية باللحظة الحالية.

وأضافت: "الستات ممكن تصل لدرجة السراشة والعدوانية المساوية للرجل، ولكن الفرق أن السيدات بتهدى أسرع من الرجال وتعود إلى رشدها، وترجع لعقلها وتستقر أسرع من الرجالة، والرجل مش بيهدى أسرع لأن الراجل رابط الغضب بالذكورة، ورد فعله أكثر عدوانية لأن الغضب مرادف للذكورة".

وتابع: "بعض الستات معندهمش رفاهية المود يتغير وهى على صرخة واحدة من الشغل لمذاكرة العيال للتمرين ولحضرتك ومشاكلك والبيت للبيت والقرايب والصحاب، وحتى رفاهية أنها تقلب المود مش موجودة أصلا، حالات الغضب العصبى بتيجى للستات مش بتيجى للرجالة".

وعلقت الفنانة هيدى كرم: "الست بترجع عن عصبيتها فى لحظة العصبية والغضب، ولكن فى الزعل بتاخد وقت".

وقالت الفنانة هيدى كرم، إن دراسة تؤكد أن الاعتذار الصريح وإبداء الندم بينسى الخطأ ويحل المشكلة، المراحل التى يمر بها الشخص عشان يتصالح.

وأضافت: "الاعتذار الصادق له 6 مراحل، وهى الاعتذار الصريح بكلمات صريحة والتعبير عن الندم، أوعدك يا حبيبتى مش هيحصل تانى ومش بعد أسبوع يحصل تانى، وتحمل المسئولية عن الخطأ، إبداء الندم وإبداء الحرص على ارضائها، وبطلب أنها تسامحنى بشكل واضح، وأعمل إيه عشان أصلح غلطتى، فى راجل أو ست فى الطرفين بين الست والراجل أكيد الست هتتصالح، وحسب اللى وجع الطرف وبيضيقنى قوى لما الراجل بيشوف الست زعلانة منه".

وتابعت: "الراجل فى كلى الحالتين هسبها لما تهدى لازم الراجل يمسح الحتة دى فى القاموس خالص من الرجالة، ولكن عاوزة تتراضى دلوقتى وتتصالح فى الحال حتى لا يكبر الزعل بين الطرفين".

وعلق الفنان أحمد صلاح حسنى: "الراجل اللى مدكن ده وإزاى ندور على حسب نوع الزعل.. المشكلة ممكن متخلصشى، ويفتكر أن هى أتحلت لكن متتحلش.. والستات ملهاشى كتالوج".