صاحبة الوحمة الأشهر تروى قصص كتابها "أنت مميز.. أنت جميل"

أجرى تليفزيون اليوم السابع حوارا مع "شروق العقدة" والشهيرة بـ "صاحبة الوحمة"، والتى تحدثت خلال اللقاء عن كتابها الجديد والمتضمن 30 حكاية خلال مشوار حياتها ، بعوان "انت مميز.. انت جميل"، وقالت "ورا كل قصة عديت بيها بتفهمك حاجة فى الحياة وحاجة تقويك على التنمر اللى بتتعرض له".

وسردت شروق بعض هذه القصص التى تضمنها كتابها، ويبدأ بلحظة ميلادها وقالت "اتولدت عام 92 مكنتش الدنيا متطورة فيه، الدكتور أول ما شفنى اتخض لدرجة انه افتكر انه فيه حاجة سخنة وقعت على وشي، لكن بابا واخواتى لما شافونى عرفو وفهمو انه ده مش حرق وانى مولودة كده".

وتتابع: "والحكاية التانية هى اللحظة اللى بدأت أدخل المدرسة، المدرسين كانو هما اللى بيعيبوا عليا، واجهت تنمر من المدرسين مش من الطلبة ، المدرسة بتاعتى كانت بتقولى هو فيه حد رمى على وشك مية نار قلتلها معرفش، كنت طفلة 4 سنين ومش فاهمى هى بتقول ايه"، واضافت شروق "الحكاية ديه بتقول للأهل أنهم لازم يروحو المدرسة ويشوفو المدرسين ويقابلوهم، أنا أهلى فرقوا معايا لانهم كانو فى ضهرى دايما".

وروت شروق كيف أن أهلها كانوا يشجعونها على الاختلاط والتعرف بالناس والمشاركة فى كل حاجة وأوضحت: "أنا لعبت كل الألعاب فى النادى كنت بسافر واروح واجى، وأهلى نجحوا انهم يخلونى اجتماعية".