محمد جمال مهندس يحول الورق إلى مجسمات "أوريجامى"

يعتبر الورق بالنسبة للكثير من الأشخاص وسيلة لكتابة رسالة لشخص أو رسالة علمية أو حتى كتاب يتحدث عن بعض الموضوعات المختلفة من ثقافة لسياسة وفن، لكن الورق بالنسبة للشاب، محمد جمال، وسيلة لتصميم الكثير من التماثيل سواء لشخصيات كرتونية معروفة، أو من صنع خياله.

ويقول محمد جمال المهندس المعماري  لـ" اليوم السابع" بدأت ممارسة فن الأوريجامى، من 9 سنين، لما كنت طالب في المدرسة، من خلال واحد صاحبى، كان معاه نموذج لفن الأوريجامى، من وقتها حبيت النوع ده من الفن، وبدأت أتعرف عليه أكتر من خلال فيديوهات على موقع "يوتيوب"، وكمان دراستى  ساعدتني، إنى أطور الموضوع أكتر، لأن دراستى كلها بتعتمد على الشغل اليدوى، بالماكتات المجسمة ومعظمها مرتبطة بفن الاوريجامي".

 وعن سر تعلقه بفن الأوريجامى، قال محمد :" لقيت فيه كيميا بينى وبين الأوريجامى، قدرت من خلاله أملى فراغى، ولقيت نفسى في النوع ده من الفن، وكمان أتأثرت بالمجسمات اللى على النت في أمريكا الجنوبية وأوروبا، وبدأت أطور من نفسى، بتجربة العديد من الأشكال وبأوراق مختلفة".

 صمم محمد العديد من المجسمات لشخصيات كرتونية وحيوانات، بالورق، وتحدث عنها قائلاً:" بحب أصمم أشكال ثلاثية وثنائية الأبعاد، زى حيوانات وشخصيات كرتونية مشهورة، ولكن لم أشارك في أي معارض حتى الآن لأنى بفضل نشر شغلى على النت".

 يواجه محمد بعض الصعوبات في عمله بفن الأوريجامى، حيث قال :" الصعوبات بتواجهني في شغلى، فيه ناس كتير ماتعرفش حاجة عن الفن الجميل ده، اللى بيستخدم في الديكور الداخلى والخارجى، وإن التصميمات دى بتحتاج تركيز عالى، ويمكن أكتر شخصية كانت صعبة بالنسبة لى هي شخصية سبايدر مان".

صمم محمد أكثر من 50 مجسما، منذ بداية ممارسته فن الأوريجامى، لكنه يحلم بأن يشارك في الترويج لهذا النوع من الفن في مصر، حيث قال:" هدفي أن الفن ده، يتعرف أكتر و يكون معروف زي الرسم وأنا مستعد أعلم ناس كتير طريقة تصميمه".