شريهان أبو الحسن تستعرض دراسة عن حجج الرجال: أعذارهم حاضرة طوال الوقت ومختلفة

قالت الإعلامية شريهان أبو الحسن: "أجريت دراسة على 138 راجل وسيدة، عن الحجج المكررة بينهما، وكشفت الدراسة وقت دخول الخلاف ما بينهما تبين أن 54% من الرجال تكون أعذارهم طوال الوقت حاضرة ومتواجدة، ومختلفة عن العذر اللى قبلة، فى المقابل 33% من السيدات بتستخدم حجج مبتكرة".

وأضافت خلال برنامجها راجل و2 ستات المذاع على قناة on، تقديم الفنانة هيدى كرم، والفنان أحمد صلاح حسنى: "المثل بيقول امشى صح يحتار عدوك فيه.. ومفيش حاجة بوضوح وصدق إلا لما تكون نتيجتها سليمة.. والست هتقول لجوزها مش دورى أنى أنضف البيت.. تعالى ساعدنى فى التنضيف.. أو جيب حد يساعدنا".

وعلق الفنان أحمد صلاح حسنى: "الست بتفكر بزيادة وطبع عندها.. ومينفعش اقعد أتسال طول الوقت، وفيه علاقة بتبقى سؤال وجواب، وده يعمل عند الراجل كبر دماغك.. وقولها الحقيقة وريحها، والسؤال والجواب عمال على بطال بين الطرفين بيعمل جفى وبعد ويبقى حاسين بيه فى البداية ولكن بيتراكم ويعمل مشاكل كبيرة فى المستقبل".

وعلقت الفنانة هيدى كرم: "الراجل سعات بيلجأ لأعذار كتير قوى بسبب الست، لأن هى بتركز فى تفاصيل كتير قوى، وسعات الست لما تحط فى دماغها بتبقى حطاه تحت العدسة المكبرة.. ولو مسكت الراجل هيطلع منه أخطاء ومشاكل".