إسراء تصمم شنط تحمل قطعة من الطبيعة.. مزينة بالزهور المجففة وقواقع البحر

يعشق كل منا الطبيعية بمظاهرها المختلفة من زهور وأشجار وبحر بقواقعه وأسماكه الملونة وهوائه النقى، وغيرها من المناظر الطبيعية التى تساعد على تحسين الحالة النفسية للإنسان، ومن هنا فكرت إسراء أحمد، فى تصميم حقائب نسائية، مستوحاة من جمال الطبيعة تساعدها على تحسين نفسيتها وفى نفس الوقت تجعل كل من يمتلكها تشعر بأنها مميزة عن غيرها.

إسراء أحمد

تصميم إسراء أحمد

إسراء أحمد، تبلغ من العمر 25 عاما، خريجة كلية تجارة خارجية، وتعمل بمجال الشحن الدولى منذ تخرجها من أربع سنوات، وقالت عن مشروعها الصغير لـ" اليوم السابع":" فترة الجلوس فى البيت بسبب انتشار فيروس كورونا، قررت أسلى وقتى، و أدور على حاجة تساعدنى على تهدئة أعصابى والتخلص من التوتر بسبب شغلى، بدأت بتنظيم وقتى فى الشغل وحياتى الشخصية، وشوفت فيديوهات أجنبية بتتكلم عن "الريزن"، بدأت أعمل أبحث عنها، واتعلمه من مواقع مختلفة على الإنترنت، ووصلت لمادة والإكسسوارات بتاعت "الريزن".

تصميم إسراء

تابعت :" صممت صوانى فى البداية، لكن لقيت إن ناس كتير بتعمل ده على الفيس بوك، وبعدها بفترة صغيرة، أصيبت بفيروس كورونا، واضطريت أقعد فى البيت، عشان مناعتى بقت ضعيفة، وفكرت أدور على حاجة تحسن نفسيتى، ففكرت أعمل بدل الصوانى، شنط من الريزن".

حقيبة بزهور وقطع البرتقال

واجهت إسراء بعض الصعوبات عند تصميمها لحقائبها، والتى تحدثت عنها قائلة:" كنت بلاقى مشكلة فى الأول، إنى مش عارفة ألاقى بعض المواد المستوردة، لكن ما استسلمتش، و دورت على بدايل ليها تساعدنى أطلع الشغل فى أحسن صورة".

حقيبة أخرى

صممت إسراء حقائب مستوحاة من الطبيعة مثل الزهور والبحر وغيرها والتى تحدثت عنها قائلة :"عملت شنط من الورد والبحر وعجبت ناس كتير ففكرت أعمل جروب على "الفيس بوك"، وأعرض شغلى، وعجب الناس وكتير منهم طلبوا منى شغل، وقررت أعمل تصميم خاص لكل بنت بحيث كل واحدة تحس إنها مميزة ومختلفة عن غيرها".

حقيبة

تحلم إسراء بأن تنتشر تصميماتها فى جميع أنحاء العالم، حيث قالت :"جاتلى طلبات كتير من دول عربية مختلفة زى لبنان ونيجريا وليبيا ونفسى شغلى يوصل أكتر لدول مختلفة فى العالم كله".