كنت ما بعرفهمش .. قصيدة جديدة لـ الشاعر ماهر مهران

الشاعر ماهر مهران

السبت، 05 يونيو 2021 06:00 م

ننشر قصيدة جديدة لـ الشاعر ماهر مهران بعنوان " كنت ما بعرفهمش" يحاور فيها بطريقة شعرية التغيرات التى تطرأ على الإنسان، والتغيرات التى تصيب البعض مع مرور الزمن وتبدل الأحوال.

حتَّى اللى باعرفهم طِلِعت ما بعرفهمش

يا تراب طلع دهب

يا دهب قَّلّب على قش..

ليه الثمرة طلعت مرة حنضل

وليه كان الخداع فى العِرش؟

وليه اللى كان مالاقيش اللضا بقى باشا

واللى كان باشا شبع لطش؟

وليه كل اللى راهنت عليه يزهزه

انهار كأنه خص؟!

ساعة ما السيل بص

ساعة ما الزمن حط

وجاب بدال الأسودة غنم وبط

ووطّى وباس إيدين القرش؟!!

وليه النشاز ماشى

والمارش بيتعزف للْطُرش؟!

وليه الشِّمال عارف سكته

وليه أنا طلعت تايه فى دنيا غش

دنيا قش

دنيا حفرة نار نصبوا عليها خُص

وسط ناس مابيعرفونيش

ومابعرفهمش؟!

وأبص

ألاقى الناس نعوش!!

أبص

تسقط قدام عينى الوشوش!!

أنا اللى عشقت اللى بيخسرني

وظلمت اللى عاش يجبرنى

أنا لوغاريتم حيّرنى

عاش يومينه يهتم بالعليق

ومايكسبش..

يطبطب على هزازة ما بتقدَّرش

يخلى قلبه درع لناس

بعد ما شاب

اكتشف إنه ما يعرفهمش!!

يا ريتنى كنت كائن هلس

لزج

وملس

لا موقف ولا مبدأ

كائن كل ما يتهان

يضحك ويبدأ

لا هو جن ولا أنس..

كائن دمس

تعلب ونمس

بين التبن والغلة

الاسم نمس

والوضع قِلِّة

كائن لا بارد ولا سخن زى مُيّة الْقُلة

كائن ساعة الهوجة

يتخلط زى بودرة السيراميك بالغلة

لا عهد ولا ملة

بيرشح زيف

ويهطّل فى الطريق تخاريف

كائن عاش الحياة خفيف خفيف

كائن مزبلق لكن زبلقته عملت منه بنى آدم نضيف

بعد ما عاش سنين تحت النعل ديب

فى دنيا بتطحن الأصلا

وتطبطب على ولد ...

وتعلم ببخل

وعلامها بعد وقوع السلاح

وانتشار الشيب والكسر

القصب بيشحت المية من الصخر

والعفن بيمرمت سنسفيل أم العطر

والقمح بيبوس أيدين الفطر

والصحرا شمتانة فى عطش جزاير النهر

والغزلان مش غزلان

واللى حبيتهم زمان

جه الوقت اللى أقول:

إزاى بطون أمهاتهم شالتهم؟!

وليه الدنيا فرش فكهانى

بيرقص للى معاه مال؟!

وليه الناس بقيت غريبة الأحوال؟!

وليه بتطلع التعابين كل ما نفخنا ف ناى؟!

وليه خوفنا حرّمنا نقول إزاى؟

وليه أصبح مفيش حد يستاهل بشاشة الجاى؟

غير الحيطان اللى قاومت المزاريق

والنقش ع الأباريق

والحفر الصابرة على هلاسة المخاليق

والندى لمّا يبل الرّيق

وضلى اللى أخلص لى وقت الزعل والضّيق

وملمس النيل بعد الحريق

ونفسى اللى حمدت ربها على ساندوتش فول

وكباية شاى

وحجر قص

وبدنى اللى خس

وقصيدة طلعت من العضم فى الغيطان كأنها آية

السما قلّت بأصلها معايا

والأرض لوعدها ما صانتش

وبقيت فى السنين الكبيسة فريسة

والمقالب كلاب بتنهش

وما بترحمش!!

أنا كنت وحش

وأرض عفية ما بتنكرش بذرة

وفرحة بكرية

وفجر عمره ما دخل بأيد فاضية..

ليه دلوقتى اللى عشت باعرفهم دمَّرونى بالقاضية

بعد ما خدوا الخير

وردوه شر؟!!

الدنيا حر

والكهربا قاطعه

والهبو نازل طس

ودغبشت الدنيا فى عيني

وبدنى خس

لكنى بأقول لنفسي

وأنا لهمومى بـ ألفّ

نقطة من غير الشريط ما يسف

نقطة ويلتفت عباد الشمس للضيا ويلف

نقطة وتخف

وترجع تانى

لخلق هاتقول عليهم إنك بتعرفهم

وبعدين هاتكتشف

إنك كنت ماتعرفهمش!!!

تابع آخر أخبار اليوم السابع على Google News

كنت ما بعرفهمش

ماهر مهران

قصائد ماهر مهران

شعر عاميه

انسخ الرابط Short URL

موضوعات متعلقة

"بقيت تاكسى" قصيدة جديدة لـ الشاعر ماهر مهران الأربعاء، 23 ديسمبر 2020 10:00 م

"من ضفايرها نازل البرقوق زبايط" قصيدة جديدة لـ الشاعر ماهر مهران الإثنين، 04 مايو 2020 04:30 م

"ساب الْحِنّة معجونة وماتحنّاش" قصيدة لـ الشاعر ماهر مهران الإثنين، 19 أغسطس 2019 10:00 م

"هاطلع على أسيوط" قصيدة للشاعر ماهر مهران السبت، 06 أبريل 2019 08:00 م

أين أذهب يا رب.. رواية جديدة لـ"ماهر مهران" عن بدائل الأحد، 23 ديسمبر 2018 06:00 ص

Trending Plus

اليوم السابع Trending

محمد صلاح يتصدر قائمة أفضل لاعبي البريميرليج وفق تصنيف سكاي سبورتس الجمعة، 15 أغسطس 2025 01:00 ص

غد.. انطلاق امتحانات الثانوية العامة للدور الثانى 2025 الجمعة، 15 أغسطس 2025 01:00 ص

آخر تحديث لسعر الدولار اليوم الجمعة 15 أغسطس 2025 بالبنوك المصرية الجمعة، 15 أغسطس 2025 12:00 ص

حظك اليوم الجمعة 15 أغسطس وتوقعات الأبراج على الصعيد المهنى والعاطفى والصحى الجمعة، 15 أغسطس 2025 12:00 ص

الأزهر: المسجد الأقصى لن يكون لقمة سائغة والحق سيعود لأهله والباطل إلى زوال الجمعة، 15 أغسطس 2025 12:07 ص

محمد صلاح يتصدر تشكيل فانتازى الدورى الإنجليزى للجولة الأولى وغياب مرموش الجمعة، 15 أغسطس 2025 12:29 ص

الزمالك يسدد 120 ألف دولار لـ جوميز على 3 أقساط متفاوتة الجمعة، 15 أغسطس 2025 12:20 ص

محافظ نابلس: الاحتلال يشن حرب استنزاف ومصر تقود الموقف العربى ضد التهجير الجمعة، 15 أغسطس 2025 12:07 ص

المتحدث باسم الرئاسة الفلسطينية: الموقف المصرى صلب ضد تهجير الفلسطينيين الجمعة، 15 أغسطس 2025 12:06 ص

أخبار 24 ساعة.. التعليم: تطبيق أعمال السنة على طلاب الثالث الإعدادى بدءا من 2028 الجمعة، 15 أغسطس 2025 12:00 ص

جدول ترتيب الدورى الممتاز الخميس 14 أغسطس 2025.. المصرى يتصدر الجمعة، 15 أغسطس 2025 12:00 ص

100 عام على ميلاد ست الحسن والجمال هدى سلطان الجمعة، 15 أغسطس 2025 12:00 ص

إعفاء طلاب الثالث الإعدادى بالعامين الدراسيين 2026 و2027 من أعمال السنة الخميس، 14 أغسطس 2025 09:28 م

ترامب: بوتين لن يسيطر على أوكرانيا فى وجودى الخميس، 14 أغسطس 2025 09:43 م

رقم قياسي لـ مصر في حضور الجماهير بمونديال ناشئي اليد رغم وداع البطولة.. صور الخميس، 14 أغسطس 2025 09:39 م

وزارة التعليم: تطبيق أعمال السنة على طلاب الثالث الإعدادى العام الدراسى 2028 الخميس، 14 أغسطس 2025 09:16 م

عائلات الأسرى الإسرائيليين: سنشارك فى إضراب الأحد ضد حكومة نتنياهو الخميس، 14 أغسطس 2025 09:30 م

عودة الشحات وبيكهام لقائمة الأهلي أمام فاركو ..وغياب العش وعمر كمال الخميس، 14 أغسطس 2025 09:25 م

خسارة ناشئى اليد أمام إسبانيا 31-29 فى ربع نهائى بطولة العالم.. صور الخميس، 14 أغسطس 2025 09:03 م

محافظة الجيزة تعلن غلق كوبرى الجلاء 3 ساعات صباح الجمعة للصيانة الخميس، 14 أغسطس 2025 08:36 م

محمد صلاح يتصدر تشكيل فانتازى الدورى الإنجليزى للجولة الأولى وغياب مرموش الجمعة، 15 أغسطس 2025 12:29 ص

تليفزيون اليوم السابع يستعرض تفاصيل تطبيق أعمال السنة على طلاب الثالث الإعدادى الخميس، 14 أغسطس 2025 10:00 م

إعفاء طلاب الثالث الإعدادى بالعامين الدراسيين 2026 و2027 من أعمال السنة الخميس، 14 أغسطس 2025 09:28 م

عودة الشحات وبيكهام لقائمة الأهلي أمام فاركو ..وغياب العش وعمر كمال الخميس، 14 أغسطس 2025 09:25 م

وزارة التعليم: تطبيق أعمال السنة على طلاب الثالث الإعدادى العام الدراسى 2028 الخميس، 14 أغسطس 2025 09:16 م

وزير التعليم يعلن تطبيق أعمال السنة على الصف الثالث الإعدادى الخميس، 14 أغسطس 2025 09:03 م

بريطانيا: خطط الاستيطان الإسرائيلية الجديدة انتهاك صارخ للقانون الدولى الخميس، 14 أغسطس 2025 08:50 م

محافظة الجيزة تعلن غلق كوبرى الجلاء 3 ساعات صباح الجمعة للصيانة الخميس، 14 أغسطس 2025 08:36 م

متظاهرون يغلقون شارع أيالون الرئيسى قرب تل أبيب للمطالبة بإعادة الرهائن الخميس، 14 أغسطس 2025 08:34 م

هي مصر فعلا باعت القضية الفلسطينية ؟!! لو ناسيين تعالوا نفكركم.. فيديو الخميس، 14 أغسطس 2025 08:32 م

عاش بطل ورحل شهيدا.. شاهد تفاصيل وفاة أحمد جمال متأثرا بإصاباته بحريق شبرا الخيمة الخميس، 14 أغسطس 2025 08:23 م

الشوط الأول.. تقدم ناشئى اليد على إسبانيا 15-13 فى ربع نهائي بطولة العالم.. صور الخميس، 14 أغسطس 2025 08:12 م

المزيد من Trending Plus