الحب عبر السوشيال ميديا.. برنامج راجل و2 ستات يناقش الارتباط رغم بعد المسافات.. شريهان أبو الحسن: علاقة حقيقية تحسمها المقابلة.. أحمد صلاح حسنى: علاقات فاشلة.. هيدى كرم: 50% من جوازات الإنترنت تنتهى بالطلاق

ناقش برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كرم، والفنان أحمد صلاح حسنى، موضوع "الحب رغم بعد المسافات"، وكيفية بناء علاقة ناجحة عن طريق الإنترنت ومواقع التواصل الاجتماعى، ويكشف عن دراسة تؤكد أن نص عدد الجوازات اللى بتحصل عن طريق السوشيال ميديا بتنتهى بالطلاق.

وقال الفنان أحمد صلاح حسنى: "رأيى أن العلاقات اللى فيها مسافات بتفشل عشان مفيش منها أمل.. وفقدان الاهتمام بالشخص.. فيه ناس تعودوا يكلموا بعض على الهواتف وبيرتاحوا لبعض أكتر ما بيقعدوا يتكلموا مع بعض وجها لوجه".

وأضاف حسنى خلال برنامج راجل و2 ستات المذاع على قناة  on، تقديم الإعلامية شريهان أبو الحسن والفنانة هيدى كرم: "هناك شخصيات قوية جدا لما تراسليها على مواقع التواصل ولما تقعدى معاها تلقيها فاضية وتتفاجئ بالشخصية.. ولازم يبقى فى قرب ما بين الطرفين عشان يدرسوا علاقات بعض".

وعلقت الإعلامية شريهان أبو الحسن: "قناة الاتصال اللى عبر شاشات الهواتف المحمول هى اللى اريح للطرفين فى العلاقة.. ولما اتنين أصحاب يسافروا مع بعض ويسكنوا فى غرفة واحدة بتجدى أول مرة تعرفى صحبتك وبتتفاجئى بالعادات اللى خارجة منها.. وعشان كده بنقول السفر فيه أكثر من فايدة وبيخليك تكتشف الناس.. العشرة والعيشة غير عادات وتقاليدى".

وأضافت: "الحياة ليها مذاق خاص.. والجو اللى فى أول العلاقة ده لازم يبقى فى تقارب.. ولازم نحسبها أن فيها درجات من المخاطر وممكن مش تنجح.. والعامل الرئيسى فى العلاقة لازم نحس ببعض".

وقالت الإعلامية شريهان أبو الحسن: "خبراء علم النفس والاجتماع يتابعون موضوع العلاقات العاطفية عن طريق الإنترنت، وهناك عالم فى إحدى الجامعات الأمريكية، درس العلاقات العاطفية ، وتبين أن العلاقة تبدو حقيقة فى الوهلة الأولى ولابد أن يتقابلا مقابلة حقيقة لحسم العلاقة".

وأضافت خلال برنامجها راجل و2 ستات: "واضح أن موضوع العلاقات العاطفية عن طريق الإنترنت شاغل ناس كتير وبالتحديد الشباب عاوز يستقر عاطفيا وعاوزين يتعرفوا ويحبوا ويتحبوا.. وخلينا نحط نفسنا مكانهم وتعالوا نرجع كام سنة ورا ونفتكر ماستقرناش عاطفيا ومحبناش ومقبلناش نصنا التانى كان ده موضوع شاغلنا".

وتابعت: "أنه عند دراسة العلاقة العاطفية بين الطرفين على الإنترنت تبدو فى بداية العلاقة علاقة حقيقة، وبعد ذلك يكون هناك مقابلة حقيقية لحسم كثير من الأمور، وينصح التواصل عن النت يكون أقل من ذلك".

وقالت الفنانة هيدى كرم، إن هناك دراسة أجريت بجامعة أمريكية، فى 10 ولايات بالولايات المتحدة، وكان 17% من الزيجات بدايتها السوشيال ميديا، معقبة: "نص عدد الجوازات اللى بتحصل عن طريق السوشيال ميديا والتعارف عن بُعد بنتهى بالطلاق".

وأضافت خلال برنامج راجل و2 ستات المذاع على قناة on، تقديم الإعلامية شريهان أبو الحسن والفنان أحمد صلاح حسنى: "أمريكا من الدول العظمى اللى بتستخدم السوشال ميديا بشكل كبير جدًا.. والتعارف الأول فى الزيجات الأمريكية كان على التواصل الاجتماعى.. والتعارف منقسم لاثنين هناك تعارف استمر على الارتباط والخطوبة كانوا مستمرين على التواصل وتم زيجاتهم".