عمرو أديب: بص شوف مصر بتعمل إيه لشعبها.. "حياة كريمة" مشروع "شبه مستحيل"

قال الإعلامي عمرو أديب، إن مشروع "حياة كريمة" هو المشروع القومي للرئيس عبد الفتاح السيسي، مشيرا إلى أن ذلك المشروع له تأثير إيجابى على نسبة كبيرة من الشعب المصري، وسيمثل هذا المشروع التنمية المتكاملة، التى تستهدف تغيير حياة المصريين.

وأضاف، خلال برنامج "الحكاية" الذي يذاع على قناة "MBC مصر": "الناس دي داخلة تشتغل على الصفر، الناس دي بتستلم هذا الأمر وتشتغل عليه، وكنا دائما نقول الأم شايلة ابنها على كتفها مسافة 15 كيلومترا، لكن كفاية بقى، دلوقتي تتوفر كل الخدمات لأهالينا في الريف، ومشروع حياة كريمة هيحل مشكلات كبيرة زي مشكلة الأمية، وهذا المشروع مشروع تاريخي، ويماثل ما حدث من تطوير وطفرة بالقرى الصينية، وبقى في مدن سوبر".

 

وقال: "أنت تتعامل مع حاجة اسمها القرية المصرية ونواحيها، ودي عشوائيات داخل القرى، وكل ده هيتغير، وده مشروع شبه مستحيل، وسيوفر حقوق المواطن كاملة، أن يكون عنده غاز وكهرباء واتصالات وإنترنت ووحدة صحية وجميع الخدمات التي يحتاجها".

وتابع: "بص شوف مصر بتعمل إيه، واللي بيحصل ده انحياز لهذه الطبقات والمجتمع الفقير، ويجب أن تنحاز هذه الدولة للفقراء، أنك تقدر تعالج ونتقدر تعلم، وكانت تيجي كل إدارة على مصر تقول الموضوع محتاج فلوس كتير أوي، فالمشكلة تتفاقم، وكل ما نتأخر المبلغ يبقى الضعف، وكانوا بيكتفوا بوحدة صحية متنقلة، وكانت المشكلة تتفاقم".

وأضاف: "اللي حصل إمبارح هو تدشين لأهم مشروع في حياة الرئيس عبد الفتاح السيسي، ومصر لما تيجي تتكلم، مش بتتكلم عادي زي باقي الدول، الفنانيين اللي شاركوا إمبارح عملوا شغل محترم وقوي".

وعلق عمرو أديب على حديث الرئيس عبد الفتاح السيسي، حول أزمة سد النهضة، وقال: "الناس اللي كانت قاعدة كانت مستنية الـ5 دقائق اللي الرئيس أتكلم فيهم عن قصة سد النهضة، سمعنا الناس، عبد الحليم حافظ كان عامل أغنية بتقول أطلب تلاقي 100 مليون فدائي، ده نيلنا ودي مياهنا وحياتنا، والقلق ده مشروع، وزي ما الريس قال هنفضل نهري، مهو كل يوم الباشا اللي هناك بيطلع تصريح ويقولك الإرادة الإثيوبية".

وعرض عمرو أديب جانباً من كلمة الرئيس خلال مؤتمر تدشين مبادرة حياة كريمة، والتي تحدث فيها عن أن المساس بأمن مصر القومي خط أحمر، وأنه لن يتم السماح لأي أحد أن يقترب منه، وأن مصر لديها العديد من الخيارات للتعامل مع أي من يحاول الاقتراب من هذا الخط.