صالح جمعة يعتذر للجهاز الفنى وينتظم فى تدريبات سيراميكا

وكان ضياء السيد، قد أعلن غياب صالح عن مران الفريق مساء السبت بدون الحصول على إذن ، وقال: "صالح جمعة لما اتفقت معاه التزم بشكل كويس، ولعب ماتشات متتالية لمدة 90 دقيقة".

وتابع: "أخدنا إجازة عيد الأضحى ورجعنا النهاردة لكن هو محضرش التمرين ومنعرفش السبب، بأكد تاني أهو صالح جمعة مجاش التمرين ومنعرفش السبب".

وأردف: "المفروض هو يسأل عليا ويقولي مجاش ليه التمرين، إحنا واخدين إجازة كويسة، التمرين اللعيبة كلها حالتها كويسة جدا، لكن صالح مجاش بدون أي أسباب ولم يتصل".

واستطرد: "صالح بيعمل جدول لنفسه غير جدول الفريق، العقوبات واللائحة قاسية وشغالة في الفريق باستمرار وأرقامها تبقى صدمة للناس".

واختتم: "الغياب بدون إذن له عقوبات قاسية في الفريق، لم أفقد الأمل في صالح جمعة، ولكن اللاعب الملتزم هو اللي هيشارك".