شريهان أبو الحسن بـ"راجل و2 ستات": "الصراحة بتزعل.. خاصة القريبين مننا"

قالت الإعلامية شريهان أبو الحسن: "الصراحة بتزعل وبتزعل الناس القريبين مننا، والمجاملات بيبقى دمها خفيف وحنينة على القلب وبطبطب على الناس، ومش عيب".

وأضافت، خلال برنامجها راجل و2 ستات المذاع على قناة on، تقديم الفنانة هيدى كرم، والفنان أحمد صلاح حسنى: "وبتزعل الناس القريبين وإحنا بنفتكر أنها مبتزعلش وحقيقة أنها بتوجع.. كمثال لو تخنت 3 أو 4 كيلو هيدى مش هتيجى تقولها فى وش كدة مالك تخنتى كدة ليه وبقيتى مبعجرة"، وترد هيدى "عمرى ما أقول كده مقدرش".

وتابعت الإعلامية شريهان أبو الحسن: "المفروض الرجالة لما تلاقى مراتها تخنت ورادة.. ميقولهاش فى وشها مالك تخنتى كده ليه".

وعلقت الفنانة هيدى كرم: "وساعات الكلام بيبقى زى الطوب ودم تقيل.. والرجالة ساعات بتقول لمراته مالك تخنتى كده ليه وعند الرجالة مجموعة جمل بيبقى دمها تقيل قوى".

وعلق الفنان أحمد صلاح حسنى: "الصراحة ديما ليها مكان".