برنامج راجل و2 ستات يناقش بخل المشاعر والبخل المادى.. شريهان أبوالحسن: صفة عند الرجال أكتر من الستات.. هيدى كرم: الستات مش بيبان عليهن البخل.. أحمد صلاح حسني: الست البخيلة بيتقال عليها حريصة عكس الراجل

ناقش برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كرم، والفنان أحمد صلاح حسنى، "البخل فى المشاعر، والبخل المادى".

وعلقت الإعلامية شريهان أبو الحسن: "والست لما تبقى بخيلة مش بتتلاحق قوى زى الراجل، بمعنى إنه بيتقال على الست حريصة أو مدبرة بسبب أن الراجل هو اللى فى إيده زمام الأمور أكثر.. ولو الست بتعته بخيلة هو اللى يفرض عليها ويقولها لأ.. بعرف ناس فى مرحلة فرش الشقة وكان كريم جدًا ومبانش بخله وعمل فرح كويس وأول ما اتقفل عليهم باب الشقة كان بيمنعها تفتح باب الثلاجة عشان متخلصشى الأكل".

وتابعت: "البخل ممكن يتعالج فى الست.. ولا يلاحظ فى الست لأن كل حاجة بيعملها الراجل.. والست البخيلة بتبان فى عيد ميلاده".

وقالت الفنانة هيدى كرم، إن هناك عيوبًا كثيرة بتبان فى فترة الخطوبة غير البخل، معقبة: "هناك سيدات بخيلة كتير جدًا ولكن مش بيبان عليهم ولكن هذه الصفة بتظهر كتير قوى مع الرجالة لأنهم المسئولون.. والراجل ممكن يتحكم فى بخل الست".

وأضافت الفنانة هيدى كرم ببرنامج راجل و2 ستات: "لو هو بخيل هيبقى مشكلة.. والستات لما تكتشف أن الراجل بخيل بعد الزواج بتطلب الانفصال".

وتابعت: "لو الست بتحب البخيل هترتبط بيه وتغمى عينيها عاوزة تعيش معاه ولما يتجوزوا ويكتشف البخل هيبقى عندها مشكلة".

وقال الفنان أحمد صلاح حسنى إن الراجل لا يمكن أن يرتبط بست بخيلة والعكس صحيح، ولازم تبقى عندها هى الصفة ولو شيفة راجل بخيل هيبقى عندها نفس الصفة ويبقى درجتها أقل منه.

وأضاف الفنان أحمد صلاح حسنى ببرنامج راجل و2 ستات: "الست عقليًا دماغها أكبر من الراجل وبتفكر فى المستقبل.. الراجل بيفكر تحت رجله.. كل حاجة بتتعالج عادا البخل فى الراجل".

وعلقت الإعلامية شريهان أبو الحسن: "أجريت دراسة فى النرويج 3154 رجلاً وتمت سؤالهم عن علاقتهم بالستات المادية والعاطفية، وبينت الدراسة أن هناك رجلا بخيلا فى عواطفه، وآخر فى الماديات، ويهرب من كل اختياره فى الحياة للناحية المادية".

وتابعت: "يتغير لونه ونبرات صوته عند الدفع المادى ويأمر الناس بالشح، ويخاف من أى مغامرة تكلفه فلوس ولا يهتم بالطعام الجيد ولا يستمتع بالطعام إلا إذا كان الأكل بدون أمول وقليل الهداية، وأهم نقطة فى الدراسة أن البخيل ينحدر من أب وأم بخلاء".