أم محمد 20 سنة بائعة على عربة فول.. وحلم حياتها تذهب للعمرة "فيديو"

"اتجوزت وأنا صغيرة فى السن وجوزى على باب الله وظروفه على قده، اشتغلت وعملت عربية فول بقالى أكتر من 20 سنة، ومعايا ابني الوحيد اللي خلفته بعد حرمان من الخلافة 14 سنة"، بهذه الكلمات بدأت أم محمد بائعة الفول بصفط اللبن حديثها.

وتقول أم محمد، لـ"اليوم السابع"، أنها قررت العمل على عربة الفول لمساعدة زوجها على المعيشة، مضيفة: بقالي أكثر من 20 سنة شغالة ببيع فول فى منطقة صفط اللبن والناس كلها بتحترمنى".

وتضيف: "ابني واقف معايا وبيساعدني وعمره ما اعترض عليا إني ما اشتغلش لأنهم عارفين أنا لو بطلت شغل اتعب من قعدة البيت، وابني خصوصا دا خلفته بعد 14 سنة حرمان من الخلفة".

واستطردت حديثها قائلة: "نفسي ابني ربنا يكرمه ويرزقه بالذرية الصالحة ونفسي أعمل عمرة دا اللي بنتمناه من ربنا".