تفاصيل تعطل مركب بسمة وهبة بالساحل الشمالى.. فيديو

بث "تليفزيون اليوم السابع"، تغطية خاصة من إعداد إسراء عبد القادر وتقديم رغدة بكر، والتي استعرض خلالها التفاصيل الكاملة لاستغاثة الإعلامية بسمة وهبة عبر انستجرام بعد تعطل مركبها في البحر بالساحل الشمالى.

وتابعت التغطية، أن الإعلامية بسمة وهبة، تعرضت لحادث حرق مركبها خلال تواجدها وابنتها خديجة فى مارينا بالساحل الشمالى، لكن القدر كان رحيما بها وبابنتها بعد نشر فيديو تستغيث به لإنقاذها، حتى ذهبت صديقتها وزوجها لانتشالهم من المركب المحترق وعودتهم للمنزل مرة أخرى.

وقالت بسمة، فى فيديو نشرته عبر حسابها على انستجرام: "يا جماعة أى حد عنده مركب فى مارينا 5 من أصحابي، ممكن يتصل بيا لأن المركب عطلانه بيا أنا وخديجة، وتقريبا مولعة من تحت وإحنا فى نص البحيرة ومش عارفه أعمل ايه.. اللى ساكن حواليا من أصحابى يتصل بيا، مفيش قلق ومفيش حاجة والوضع مش خطير ولو حصل حاجة هنط فى المياه، بس فيه حاجة مولعة فى المركب وفيه ريحة شياط".

وروت بسمة قصة إنقاذها، قائلة: "الحمد لله والشكر لله، إحنا كويسين أنا وخديجة، والحمد لله بعد أول 3 ثوانى من نزول الفيديو، كانت دينا صحبتى وجوزها شافوه، وتواصلنا والحمد لله جينا البيت بمركب تانى خديتنا، وشكرا لكل الناس اللى تواصلت وكل الناس اللى ساعدت، وشكرا لكل الناس اللى سألت وإحنا بخير وربنا نجانا".