"راجل و 2 ستات" يناقش هل التوقعات ممكن تكون سببا فى فشل العلاقات؟.. شريهان أبو الحسن تجيب.. هيدى كرم: لما يبقى عندنا توقعات مش شبههم بتدمرهم.. وأحمد صلاح حسنى: لو الست بتقول لزوجها أمن لى مستقبلى يبقى كده بجاحة

ناقش برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كريم، والفنان أحمد صلاح حسنى، هل التوقعات ممكن تكون سبب فى فشل العلاقات؟.

وقالت الإعلامية شريهان أبو الحسن: "بتكلم عن التوقعات لو بين شخصين مخطوبين لما أروح يكلمنى ويطمن عليا ولما أمرض يزورنى ويطمن عليا كل ساعة، وده حبيبى اللى بحبه واخترته من وسط كل الناس واللى عايزة أعيش معاه، اصحى كل يوم الصبح يبقى فيه بوكيه ورد على باب الأوضة، لو مطمنش عليا بعد فترة هزعل".

وقالت الفنانة هيدى كرم: "لو كل واحد تمسك من التوقعات من الطرف الآخر النتيجة هى الفشل، هناك ناس تتوقع توقعات ولكن هناك توقعات ليكى حق فيها وهناك ليس لكى حق فيها، كالحب والاهتمام بتخلى الحياة حلوة بين الطرفين، ولكن التوقعات اللى واصلة لمرحلة إنه يحقق ليكى كل حاجة تتمنيها فى خيالك الواسع، الاهتمام وياخد باله منها دى أخلاقيات، أكثر حاجتين بتعمل مشاكل فى العلاقة هما المادية والعاطفية، لما أتوقع مع الطرف الثانى نفس توقعاتى يبقى أنا كده بظلمه معايا".

وعلق الفنان أحمد صلاح حسنى: "اكتشفت التوقعات بتخلى الشخص مش سعيد لما بطلت أتوقع من قريب ومن بعيد، لأن كل شخص بيبقى عنده ظروف، ولما مراتى خلفت مش هتوقع أنها تعمل اللى كانت بتعمله قبل الخلفة، ولكن هى بتحاول تعمل حاجة".

قالت الإعلامية شريهان أبو الحسن: "الست طليقها مصمم إن ابنها يلعب تنس وتلقى ابنها مالهوشى فى التنس.. تلقوا فيه أحلام الأب والأم عاوزين يحققوا أمنيتهم فى أبنائهم".

وقالت الفنانة هيدى كرم: "التوقعات اللى ما بين الزوجين تنسحب على أولادنا بتدمرهم لأن الطرفين طوال الوقت أقوى منهم ومسيطرين عليهم.. ولما يكون عندنا توقعات مش شبههم عشان دى أحلامنا عن أولادنا.. وكان نفسى أجيب ولاد يبقى فيه المواصفات اللى أنا متوقعاها ولكن ربنا رزقنى بولد شخصية تانى خالص وتبدأ الست تتحايل عن الحقيقة وتبدأ تشكل هى عشان يطلع شبه توقعاتى أنا اللى فى خيالى وهذا يعد قهر شديد ولكن ليس بالضرورة إن ابنك يكون أحسن ابن فى الدنيا.

وعلق الفنان أحمد صلاح حسنى : "أهم حاجة فى الوقت الحالى ميبقوش هما أصحاب قرار على أولادهم.. وأهلك طوال الوقت بياخدوا قرارات ليك طول الوقت ولكن خد القرار لوحدك وانت تبقى مسئول عن عائلة بعد كده ولابد أن يكون لك قرار خاص بيك لأن الرجل قرار.

قالت الإعلامية شريهان أبو الحسن: "لو ست بتقول لزوجها امن لى مستقبلى.. لو الست اللى متجوزة مخلفة بنات ومن القلق بتقول لزوجها امن لى مستقبلى انا والبنات بسبب علاقتها مع عائلته غير مستقرة.. ولو متوقعة منه انه يسعدنى هل هيسعدنى". 

وقالت الفنانة هيدى كرم: "الست اللى بتقول كده غلط.. وأمنى لنفسك انتى مستقبلك.. ولو الست طلبت كده ميكونش بالكلام الصريح ولكن انبة انه يامن مستقبل بناته.. واحنا طول الوقت بنطالب بالمساواة ما بين الراجل والست.. ومينفعش ان الست تكيل بمكيالين.. لو عاوزة تعمل كده يبقى تنزل تشتغل زيها زى الراجل لتأمين مستقبلها.ز والراجل مش مسئول عن سعادتى".

وعلق الفنان أحمد صلاح حسنى: "هو فيه ست بتقول لزوجها امن لى مستقبلى.. ولو الست قالت لزوجها كده يبقى كده بجاحة منها.. ممكن تكونى عايشى فى احسن حاجة فى الدنيا ومش مبسوطة".