هيدى كرم: لما يبقى عندنا توقعات من ولادنا مش شبههم بتدمرهم

ناقش برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كريم، والفنان أحمد صلاح حسنى، أن هناك مشكلة كبيرة لما يبقى عندنا توقعات من ولادنا مش شبههم بتدمرهم.

قالت الإعلامية شريهان أبو الحسن: "الست طليقها مصمم إن ابنها يلعب تنس وتلقى ابنها مالهوشى فى التنس.. تلقوا فيه أحلام الأب والأم عاوزين يحققوا أمنيتهم فى أبنائهم".

وقالت الفنانة هيدى كرم: "التوقعات اللى ما بين الزوجين تنسحب على أولادنا بتدمرهم لأن الطرفين طوال الوقت أقوى منهم ومسيطرين عليهم.. ولما يكون عندنا توقعات مش شبههم عشان دى أحلامنا عن أولادنا.. وكان نفسى أجيب ولاد يبقى فيه المواصفات اللى أنا متوقعاها ولكن ربنا رزقنى بولد شخصية تانى خالص وتبدأ الست تتحايل عن الحقيقة وتبدأ تشكل هى عشان يطلع شبه توقعاتى أنا اللى فى خيالى وهذا يعد قهر شديد ولكن ليس بالضرورة إن ابنك يكون أحسن ابن فى الدنيا.

وعلق الفنان أحمد صلاح حسنى : "أهم حاجة فى الوقت الحالى ميبقوش هما أصحاب قرار على أولادهم.. وأهلك طوال الوقت بياخدوا قرارات ليك طول الوقت ولكن خد القرار لوحدك وانت تبقى مسئول عن عائلة بعد كده ولابد أن يكون لك قرار خاص بيك لأن الرجل قرار.