الأولى على الجمهورية علمى "متفوقين": شايفة مستقبلى فى طب الإسكندرية

قالت شهد حسن عبد الحافظ الأولى على الثانوية العامة شعبة العلوم بمدارس المتفوقين من محافظة الإسكندرية: "عرفت النتيجة لما أصدقائى بعتولى لايف مؤتمر الوزير وعيلتى شافت اللايف في نفس اللحظة وكلنا قعدنى نبكى".

 

وأضافت، خلال مداخلة هاتفية ببرنامج من مصر مع الإعلامى عمرو خليل: كنت أتوقع أن أكون من الأوائل على المدرسة لكن مش الأولى على الجمهورية، والمجموع بالنسبة لنا مختلف لأن الدراسة مختلفة عن الدراسة في الثانوية العامة لأن في 20% من الدرجات بيكون على المشروع و80% على الدراسة، وأنا عملت المشروع بتاعى عن اكتشاف السرطان أو مكانه في الاشعة المقطعية وطورنا السوفت وير، والقائمين على الموضوع كانوا منبهرين بيه وكنا فريق في المشروع مكون من 3.

وتابعت: كنت متعودة على النظام من سنة أولى وما حسيتش بالصعوبة في سنة ثالثة ما كنتش باخد دروس خالص لأن مش عندى وقت، وكنت بقرأ في مراجع كثير أفادتنى في الدراسة، شايفة مستقبلى في كلية طب الإسكندرية.