أحمد صلاح حسنى: "لو مش هتعرف تسعد نفسك يبقى مش هتعرف تسعد غيرك"

علق الفنان أحمد صلاح حسنى، على مشكلة الطلاق فى فترة ما بعد سن الأربعين فما فوق: "لو مش هتعرف تسعد نفسك يبقى مش هتعرف تسعد غيرك.. والست تبقى غلطانة لو جات على نفسها وهى مش مرتاحة مع زوجها كل ده عشان العيال". 

وأضاف خلال برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كرم: "لو الست تعرف تعيش وتصرف على نفسها وعلى أولادها تطلب الطلاق بسبب أنها مش مبسوطة وعمرها ما هتسعد نفسها وعيالها.. والأطفال بتحس إن ما بين والديهم مفيش قبول بينهم لابد من الانفصال وقتها عشان يبقوا مرتاحين". 

وتابع: "مع أن الست لازم تنبسط وعيشة عيشة مريحها ومبسوطة وهى المقياس اللى بيأثر فى الأود أكثر من الرجل هى اللى بتأكل وتشرب وتواصل السيدة أكثر من الرجل مع أبنائها ولو الأم مش سعيدة بتأثر على الأولاد".

وعلقت الإعلامية شريهان أبو الحسن: "مشهد غريب قوى وبعد كل ده اتطلقوا.. وبعد ما عدى 30 سنة ليه الطلاق بعد 30 سنة.. وستات ممكن تنتظر لما تربى العيال وبعد كده تنفصل". 

وعلقت الفنانة هيدى كرم: "يمكن بعد ما تجوز ولادها وعملت اللى عليها تطلب الطلاق وسيبونى أعيش برحتى.. ولما يكون معاها أموال.. لو إنتى ضحيتى كل السنين دى ومش سعيدة.. والطلاق هيسعدك يبقى لازم تعمليه".