بطل العالم فى الكيك بوكسينج: مواجهتى مع بطل روسيا صعبة وخلفى 100 مليون مصرى

قال العقيد محمد عبده أبو ستيت، بطل العالم فى الكيك بوكسينج، إنه خسر كثيرا من وزنه، قبل مواجهة بطل روسيا المصنف رقم 1 فى الميزان، متابعا بالقول: "أنا بطل عالم 6 مرات للهواه، وعلشان أقدر أهزم البطل الروسى محتاج شغل جامد، علشان أبقى بطل العالم للمحترفين والبطولة من ماتش واحد".

أضاف أبو ستيت، فى لقائه مع الإعلامى عمرو أديب، ببرنامج "الحكاية"، أن مواجهته مع البطل الروسى ستجرى فى مصر، مردفا: "أنا أتحدى البطل الروسى الذى خاض 19 مباراة وخسر منهم مباراة واحدة فقط، وإذا هزمته سأصبح بطل العالم بدلا منه".

وأكمل: "المباراة فى الاحتراف بها من 5 : 7 جولات وكل جولة مدتها 3 دقائق والمدة الكلية تصل إلى 20 دقيقة"، مبينا أن المباراة ستقام يوم الأربعاء المقبل بإستاد القاهرة، متابعا: "أنا مش اهلاوى ولا زمالكاوى ولكن بأشجع منتخب مصر، وعندى 3 أولاد بمرنهم أولادى كيك بوكسينج".

وأشار إلى تدريبه منذ 7 أشهر قبل مواجهة البطل الروسى فى الكيك بوكسينج، مردفا: "الراجل الروسى عنده 27 سنة، وأنا 42 سنة، وأنا واقف ورايا 100 مليون مصرى، وأنا عندى مجموعة مدربين وفيه 5 مدربين سابوا كل أشغالهم علشان يبقوا معايا".