محمد هلال يودع وادى ودجلة: أنا متأكد إني في يوم راجع تانى

ودع محمد هلال، مهاجم الفريق الأول لكرة القدم بنادى وادى دجلة، فريقه بعد الهبوط للقسم الثانى، وكتب اللاعب عبر صفحته على موقع التواصل الاجتماعى تويتر: "النهاردة بقدم الشكر والوداع لنادي وادي دجلة، النادي اللي بدأت منه مشواري ووصلني للمكان اللي أنا فيه لحد دلوقتي بمساعدة مستر ماجد سامي اللي كان دايما في ظهرنا وفي ظهر النادي، وحابب أشكر كل المدربين اللي اشتغلت معاهم".

وأضاف هلال: "وادي دجلة مكانش بالنسبالي مجرد النادي اللي بلعب باسمه… كان بيتي اللي قضيت فيه معظم أيام حياتي وعملت فيه ذكريات و عديت فيه بمواقف شكلت شخصيتي، أنا ماشي النهاردة من النادي وأنا متأكد إني في يوم راجع تاني عشان عندي ثقة في الإدارة وفي مستر ماجد سامي في إن النادي هيرجع مكانه الطبيعي في الدوري إن شاء الله، شكرًا وادي دجلة".

ويسعى مسئولو البنك الأهلى لحسم صفقات متميزة خلال الفترة الحالية لدعم الفريق؛ بسبب قوة المنافسة في بطولة الدورى المصرى الممتاز الموسم المقبل.

ويعد محمد هلال، لاعب خط الوسط المهاجم لفريق وادى دجلة، من أبرز لاعبى الفريق الدجلاوى هذا الموسم، حيث تمكن من إحراز 5 أهداف وصناعة مثلهم خلال المشاركة فى 22 مباراة.

 

كما يأتى أحمد سعيد الموهبة الصاعدة فى وادى دجلة تمكن من إحراز 6 أهداف هذا الموسم، حيث شارك فى 33 مباراة هذا الموسم ببطولة الدورى المصرى الممتاز وكأس مصر.