بتلفه بشريط هدايا.."نها" سابت المحاماة واشتغلت فى بيع الفسيخ وزباينها من المشاهير

قد يعتقد البعض إن العمل مرتبط بضرورة الحصول على شهادة جامعية، ولا يحاولون البحث عن شغفه أو يخططون لتحقيق أحلامهم فى مجال أخر غير الذى درسوه لعدة سنوات، خوفاً من الفشل وخسارة بعض الأموال، لكن نها الصادق المحامية، لم تؤمن بهذا المبدأ، وقررت أن تبحث وراء شغفها، فتركت المحاماة وتوجهت لبيع الفسيخ من منزلها  .

نها الصادق

تحدثت نها الصادق المحامية، عن ترك عملها، وتأسيس مشروعها الصغير، لـ" اليوم السابع"، حيث قالت :"أشتغلت لمدة 7سنين في مهنة المحاماة وكنت استئناف وده بعد مرورى بمرحلتين، هما الجدول العام والإبتدائي كتدرج في المهنة، وسيبتها لما حسيتها مش مناسبة مع طموحي، لكن في الوقت ده كنت محتاجة شغل يكون النزول فيه مش كتير خاصة بعد إنجابى أول طفل".

برطمان

تابعت :"فكرت أعمل مشروع من البيت، لأنى بحب أشتغل، وأعمل كيان لنفسى، ففكرت في الفسيخ لأنها أكلة محبوبة من ناس كتير، واكتشفت بعد كده إن الشغل فيها صعب، إن أثبت نفسى فيها، حاولت أتميز عن البايعين بأنى أهتم بنظافة الفسيخ وجودته كمان".

رنجة

حاولت نها أن تتميز عن غيرها فى مجال الأسماك المالحة، فأتجهت لطرح منتجاتها من المنزل بطريقة غير تقليدية لجذب أنظار الزبائن، حيث قالت :"عشان بحب شغلي أكتر من أي حد ممكن يتخيل، بقيت ببيع منتجاتى على هيئة هدايا، يعنى أغلف الفسيخ بشريطة ستان حمراء علي شكل فيونكة، و الطريقة دى عجبت ناس كتير".

منتجات نها

استطاعت نها أن تثبت نفسها فى مجال بيع الأسماك المملحة، أونلاين، ولكن تواجهها بعض الصعوبات فى عملها والتى تحدثت عنها قائلة :" أى مشروع أونلاين، بيحتاج مجهود كبير عشان يثبت نفسه، و ده كان مرهق جداً بالنسبة لى، لكن الحمد لله، بقى ليا زباين من المشاهير زى الفنانة بدرية طلبة والفنانة رنا سماحة والفنان مينا عطا، والمذيعة سالى عبد السلام، لكن أحياناً بتعرض لإنتقادات، زى أنتى ليه سيبتى المحاماة وتشتغلى فى بيع الفسيخ، لكن بيكون ردى إن دى شغلانة تشرف أى حد وكفاية إن من خلالها قدرت أحقق ذاتى".

فسيخ

تحلم نها بأن مشروعها يكبر، ويصبح لها زبائن من مختلف أنحاء الجمهورية، حيث قالت :"نفسي المشروع يتطور ويكبر، وأساعد كل ست مصرية نفسها تفتح باب رزق حلال وأعلمها  الصنعة وتدعيلي".