اعرفى إزاى تردى على أسئلة أطفالك المحرجة.. إستشارى تربوى يوضح بحلقة جديدة من "kids area"

بمجرد أن يكبر الأطفال ويستطيعوا التحدث، وتتبادر إليهم الكثير من الأسئلة الذين يحاولون من خلالها فهم الأمر الواقع، وتحاول الأمهات الرد على هذه الأسئلة بطريقة مبسطة يفهمها الطفل، ولكن فى كثير من الأحيان قد يقعن فى الحيرة بشأن طريقة الرد على الأسئلة المحرجة التى قد يوجهها الطفل إليهن.

وفى حلقة جديدة من برنامج "kids area" توضح الأستاذة أمل غالى، الاستشاري التربوى ومدربة التربية الإيجابية المعتمدة، كيفية الإجابة على الأسئلة الحرجة التى يوجهها الأطفال.

وأكدت أمل غالى خلال الحلقة أنه من المهم الإجابة على أسئلة الأطفال وعدم تجاهلها، قائلة :"خليكم عارفين أن الأطفال فى السن ده مدة تركيزهم قليلة، ينى مش لازم تقولى تفاصيل كثيرة".

وللإجابة عن سؤال "أنا جيت أزاى؟" قالت أمل غالى :"مهم فى كلامنا نذكر اسم ربنا أكثر من مرة، لشان الطفل يفهم أن ربنا هو اللى خالق كل شئ وخلى الكلام بالتدريج، ينى اتكلمى مع الطفل الأول ن فرحتك بيه ومشاعر بابا وتيته وجدو".

وأضافت: "بعد كده قوليله أن أنت جيت من كيس صغير زى قبضة الأيد وده بيكبر، وكنت بروح للدكتور أشوفك وأسمع نبضك،

وتابعت :"لو قالك الكيس ده فين، قوليله ربنا جهز البنت يكون عندها الكيس ده وهو تحت السرة، ولو قالك أزاى دخلت بطنك قوليله كنت صغير جدا مثل حبة الحمص، وكان ربنا بيكبرك كل يوم".

واستكملت قائلة :"ولو قالك الحبة دى جات منين، قوليله هى كانت نصين، نص من عند بابا ونص عند مام ولما أتقابلوا أنت أخدت من صفات ماما ومن صفات بابا، وبتدخل بطنى عن طريق حضن كبير وبيكون بين المتجوزين بس".

وعن كيفية إجابة سؤال ليه بابا مش بيحمل؟، أجابت أمل غالى قائلة :"قوليله ربنا اللى خلقنا لكل واحد دور فى العلاقة الزوجية، وربنا ميز الست أن هى اللى تكون أم، وخلق جواها مكان اسمه الرحم، وده اللى بيعيش فيه الجنين، وده مش موجود عند الرجل"

وأحد الأسئلة المحرجة التى قد توجهها الفتيات لأمهاتها هى "هو أنا ينفع أتجوز بابا؟"، وعن إجابة هذا السؤال قالت أمل غالى :"ممكن لما تكبرى تختارى زوج ليكى زى ما أنا عملت وأخترت بابا زوج ليا، والزوج ما ينفعش يكون الأب والأخ والعم والخال".