قرية عقوق الوالدين.. لا يدخلها إلا المسنين المنسيين وكل حلمهم موته شريفة

أحد الحالات

محمد فتحى عبد الغفار

الخميس، 23 سبتمبر 2021 05:02 م

قرية عقوق الوالدين اسم يتناسب مع طبيعة منطقة تقع داخل منطقة الناصرية بمحافظة القاهرة عبارة عن مثلث مبانى، يعيش فيه كبار السن المنسيين من قبل أهاليهم أو من تخلى عنه فلذة كبده أو الأخوة أو الأهل أو فاقدى الأهلية والمفقودين، وكذلك هناك حالات لأسرة كاملة تعيش داخل حجرة واحدة.

وفى حلقة جديدة من برنامج "فتحى شو"، تقديم محمد فتحى عبد الغفار، نسلط الضوء على مثلث الناصرية العجيب، فالمكان مكون من مجموعة من المبانى وكل مبنى يضم مجموعة من الحجرات المتلاصقة يجمعهم مرحاض واحد مشترك.

يقول عم أحمد أحد سكان المثلث، "أنا هنا من 20 سنة قاعد فى الأوضة دى على شمعة لأن صاحب البيت بيفصل النور الساعة 9 الصبح لأن البيت مش داخله نور وادينا عيشين بين الأربع حيطان دول.. انا سافرت كل دول أوروبا واتجوزت واحدة إيطالية وعندى منها ابن مشفتوش من وهو عنده 6 سنين".

وتابع، "كنت بشتغل فى كل حاجة فى أوروبا وكنت بسوق تناكر بترول، ولما الإقامة خلصت مشونى من هناك ومشوفتش عيلتى من ساعتها، ولما رجعت مصر أخويا اتبرى منى ومحدش بيجيلى من 20 سنة ".

واستكمل،" من الزعل جالى ورم فى المخ وعملت عمليتين ونفسى أموت على سريرى من غير شوشرة هو ده اللى طالبه من ربنا سبحانه وتعالى.. يعنى هنعوز إيه أنا 73 سنة خلاص شوفت أحلى أيام فى حياتى".

واستطرد، "انا بتكلم 4 لغات وبنصح كل الشباب وبقولهم فرص الشغل موجودة هنا فى بلدنا كتير غير زمان خالص، دلوقتى الطلاينة بيغسلوا الصحون اللى مكنوش بيغسلوها زمان بسبب الوضع الاقتصادى عندهم المتردى.. دلوقتى الشغل كتير فى البلد بس معظم الشباب قاعد على القهاوى".

تضم الحلقة العديد من الحالات منهم من تركها زوجها بأبنائها من 40 سنة ولم يعد ، ومنهم من تركه الأخوة ومنهم من تركه أبناءه وحيدا.