أم محمد: بحب شغلى بسبب معاملة مدير المدرسة الكويسة والمدرسين وأولياء الأمور

قالت السيدة عوضة مسعد القطبى الشهيرة بـ"أم محمد" التى تعمل فى إحدى مدارس مدينة بورسعيد منذ 55 عاما دون أن تحصل على أية إجازات، إنها تحب العمل بشكل كبير، لأنها عملت منذ الصغر، معلقة: "حبيت الشغل والمعاملة فى المدرسة والناس اللى فيها من مدير المدرسة المدرسين وأولياء الأمور، معاملتهم معايا تخلينى أشيل المدرسة على دماغى لو أقدر".

وأضافت السيدة أم محمد، فى لقائها مع الإعلامى يوسف الحسينى، ببرنامج "التاسعة" المذاع عبر القناة الأولى بالتليفزيون المصرى: "مزهقتش ومقدرش أزهق، ويوم الجمعة الإجازة بكون زعلانة علشان مرحتش المدرسة، أنا بروح أفتح المدرسة وبيقولولى أقعدى وانا بأخاف أقعد ليحصلى حاجة، ولازم أروح المدرسة وأفتح بإيدى وأقابل الحلوين بتوعي".