شيكابالا: سوء تنظيم احتفالية الدورى حرمنا من تنفيذ الاتفاق مع أيمن حفنى.. فيديو

كشف محمود عبد الرزاق شيكابالا قائد فريق الكرة الأول بنادى الزمالك، عن كواليس احتفالية التتويج بلقب الدورى عن موسم 2020/ 2021، وعن الاتفاق الذى دار بين لاعبى الفريق من أجل تنفيذه خلال حفل التتويج.

وقال شيكابالا فى فيديو تم تداوله عبر السوشيال ميديا: "أحب أوجه الشكر للكابتن حازم إمام لاعب الفريق، لإنه كان شايف الموقف قدامه، وكنا متفيق على حاجات كتير نعملها فى الاحتفال، والناس كانت فاكرة إننا عايزين ناخد الدرع ونرقص ونحتفل".

أضاف الفهد الأسمر: "كنا متفقين كلنا إن اللي كان هيرفع الدرع أيمن حفنى، واللي كان يفرق معانا إن زى ما جمهور الزمالك بيكبرنا إحنا كنا عايزين نكبر لاعيبة الزمالك وأيمن واحد منهم".

تابع شيكابالا: "حازم لما لقى الحاجات دى محصلتش اتضايق، وإن التنظيم كان بالشكل ده، لكن أنا حابب أشكره وبقوله البطولات جاية كتير وهنحتفل مع بعض تانى وأيمن هيشيل البطولات تانى".