خريج سياحة وفنادق حول التروسيكل لمشروع كافية متنقل للمشروبات.. الشغل مش عيب

"الشغل مش عيب.. أنا خريج سياحة وفنادق وكان لازم أثبت أنى اقدر اصرف علي نفسي وعلي أسرتي وعملت مشروع صغير لبيع المشروبات الساخنة زي القهوة، الشاي، وبسعى على رزقى وبحاول أساعد نفسي"، بتلك الكلمات بدأ حمدي مانو، يروى تفاصيل حكايته مع مشروع  الكافية المتنقل من تروسكل ليصبح كشك علي التروسكل بشكل حضاري بمدينة 15 مايو .

وأضاف حمدى لـ"اليوم السابع"، قررت أعمل مشروع لكى أساعد نفسى وأقدر اجيب احتياجتى، ومنذ بداية المشروع الزبائن تعاملنا باحترام وكان هناك مردود جيد على المشروع .

واستطرد حديثه قائلًا:" ببدأ شغلي الساعة 2 الظهر، والنظافة أهم حاجة لازم الزبون يشوف الحاجة نظيفة حتى بعد ما بخلص الشغل بنظف مكان المشروع ".

وأشار قائلًا:" الأسعار متاحة للجميع و المشاريب بقدمها في كوباية بلاستيكية، خاصة بعد انتشار كورونا علشان احافظ على حياة الناس، واللى حابب يعمل مشروع مايترددش وربنا بيكرم ".