ممدوح شعبان: أجرينا 70 ألف عملية عيون بالتعاون مع تحيا مصر

نصح اللواء ممدوح شعبان، مدير عام جمعية الأورمان، كافة المصريين الذين يتبرعون بأموال لصالح التنمية المجتمعية بأن يعرفوا فيما تم إنفاق هذه الأموال، مشيراً إلى أن المصريين معروفين بعمل الخير ودعمهم بعضهم بعضاً، لافتاً إلى أن تكلفة أكبر قافلة إنسانية التى تم تسييرها اليوم الأحد، بلغت 650 مليون جنيه من تبرعات، وتابع: "القرش اللى بتتبرع بيه أعرف تم إنفاقه فين".

وأضاف "شعبان"، خلال اتصال هاتفى ببرنامج "بالورقة والقلم"، الذى يقدمه الإعلامى نشأت الديهى،عبر قناة "ten"، أن جمعية الأورومان أبرمت بروتوكول تعاون مع صندوق تحيا مصر بـ400 مليون جنيه، مشدداً على أن القرى الأولى بالرعاية استفادة من هذا التعاون، وتابع:" تم إجراء 70 ألف عملية عيون تمت فى مستشفيات القوات المسلحة".

وكان الرئيس عبدالفتاح السيسى، قد قال إن الجهد الذى يبذله صندوق تحيا مصر هو جهد منظم، مضيفا: "أد إيه واصل للناس الجهد ده، لأنه جهد منظم ومخلص وكبير، لما جينا نعمل صندوق تحيا مصر ونجمع فيه أموال تكون وسيلة إضافية لقدرة الدولة مع منظمات المجتمع المدنى لتنظيم العمل الخيرى والتحديات اللى بتقابل الناس فى كل حتة فى مصر".

وأضاف الرئيس خلال احتفالية أبواب الخير: "عاوز أقولكم إنه لغاية دلوقتى الـ 100 مليار اللى كنا بنحلم بيهم مجوش لغاية دلوقتى، وعلشان كده بقول للدكتور مصطفى لازم تشوفوا وسيلة أخرى تضيف للصندوق أكتر من كده سواء من تبرعات الناس أو موارد نقدر نحشدها علشان فيه دور كبير فى ظروف زى الظروف اللى بتمر بالمصريين.. اد ايه محتاجين نسعد الناس ومحتاجين نطور أكثر من كده فى الممارسة.. دخلنا فى موضوع الإسكان وحاولنا نحل المسالة بشكل أفضل وحقق نجاح ومستمرين فيه.. واتكلمنا فى المبادرات الصحية المختلفة وممكن الصندوق يساهم فيها ونجح فى مساعدة الغارمين بالمساهمة مع مؤسسات المجتمع المدنى.. فى الخير بنبقى عشمانين أكتر وكل ما تكون قدراتنا المالية كبيرة كل إما نقدر نعمل أكتر".

وتابع الرئيس: "جمعيات كثيرة تقوم بتوزيع سلع ومشروعات صغيرة ومتناهية الصغر على الناس، وبقولكم لو احنا قدرنا نساعد أسرة من احتياج شديد لتلبية احتياجاتها من دعمنا يبقا عملنا حاجة جميلة قوى، بتوزع رؤوس ماشية فى الريف، طيب احنا بنديهم راس ماشية تجيب ايه؟، هتقولى ده كويس قياسا بالظروف، طيب اى نوع راس ماشية، فيه راس ماشية تجيب 40 كيلو لبن طيب انا بديهم اد ايه؟، اللى انا بقول عليها غالية بس هتعمل ايه؟، بتاكل وتشرب زى العادية، يا ترى احنا نقدر نعمل ده بحيث لما ندى راس ماشية من النوع ده تفرق معاه كتير قوى".