نادية الجندى لـ تليفزيون اليوم السابع: البعد عن الغل وحب الجمهور سر جمالى

كشفت الفنانة نادية الجندى، سر رشاقتها بعد ظهورها الأخير ونشرها "فوتوسيشن " يبرز رشاقتها قائلة: أنا متصالحة مع نفسى أوى عايشة فى سكينة جوايا ماعنديش صراعات وغل.

وأضافت فى تصريحات خاصة لتليفزيون اليوم السابع: مش بس السكينة دا كمان حب الجمهور وردود الأفعال اللى حصلت الجميلة على صورى بتقول إن ليا رصيد وحب كبير عند الجمهور وكمان اشتياق الجمهور ليا.

فى سياق متصل نصحت السيدات والفنانات قائلة: لازم تحافظى على نفسك وجمالك فلازم تحترمى جمهورك والفنان قدوة ولازم يلتزم بحاجات كتير أوى على حساب متعته الشخصية لازم يتنازل ويلتزم ويتحرم من حاجات كتير لازم ينام بدرى ويحرم نفسه من بعض الأكلات.

وقالت: أنا لا بشرب ولا بدخن وبمارس الرياضة وببعد عن الحاجات اللى بترهق البشرة والحاجات المرهقة عصبياً.