ما تغلطيش غلطتى.. سألنا البنات عن أسوأ أخطاء يوم الخطوبة "بلاش كعب مسمار"

الخطوبة والزفاف من أكثر المناسبات التى تدخل الفرحة والسرور على الجميع، ولكن  أحيانًا ما يتسبب التوتر أو التخطيط الخاطئ في إفساد هذه الفرحة على العروس، ولأنه دائمًا ما ينصحونا بأن "نسأل مجرب" سألنا البنات عن أبرز أخطائهن يوم الخطوبة والتي أفسدت عليهن فرحتهن في ذلك اليوم، والتي يوصون غيرهن من الفتيات بتجنبها للاستمتاع بحفل سعيد قدر الإمكان.

النوم لعدد ساعات أكتر:

قالت هدير محمد : "يفضل عدم السهر  وياريت بلاش  نقوم  الصبح بدري كانت أكبر كارثة عملتها  أني  قمت من النوم الساعة 5 الفجر  وبدأت في التحضيرات  بسبب القلق والخوف من أني انسى حاجة  وقضيت اليوم كله بدون أكل  وجالي هبوط  ورجعت أخدت مسكن  وأكلت علشان أعرف اكمل اليوم".

التوتر والقلق يتسبب فى كوارث:

وتقول أيه سليم: "يوم خطوبتي لا يمكن أن يتنسي  لأنه كان  يوم عالمي ملئ بالكوميديا والبكاء أنا بكل فخر نسيت فستاني في التاكسي واكتشفت بعد ما ماخلصت  الميك أب  ان فستانى مش موجود  بالرغم إني كنت حاسه إن حاجة هتحصل وبصراحة التوتر يعمل أكتر من كدا".

تناول الطعام مهم في هذا اليوم:
 

وتحكي نهي: "قبل الخطوبة بيومين كنت فاقدة للشهية ورغبتى فى الأكل منعدمة  ونزلت  للكوافير وأنا  هناك في أخر اليوم تعبت  جدًا وجالي هبوط وحالة إغماء  وحضرت خطوبتي شبه الجثة وصور  من غير روح لدرجة المعازيم فكروا إني مش موافقة على العريس بس ناوية اعوض في الفرح".

اهتمى بالأغانى:
 

أما ندى فتقول:"  أكتر حاجة يفضل الاهتمام بها في حفلة الخطوبة أو الفرح هي فلاشة الأغانى وبلاش نعتمد على  الشخص المسؤول  عن الـ دي جي  لأنه ممكن يكون محدث الأغاني وممكن لا  يفضل تعملي فلاشة والشخص نفسه يشتغل من خلالها  غير كدا  ممكن تتصدموا  لأن في خطوبتي كنت مشغولة جدًا في التجهيزات  ونسيت الفلاشة واعتمدت على الـ دي جي  ولكن كانت صدمة  كل الأغاني قديمة" .

الكعب المسمار:

وتقول أيه أحمد: حاجة مهمة هي الكعب ياريت تحاولوا تبعدوا عن الكعب خاصة الكعب المسمار  وفي حالة الرغبة الشديدة في الكعب يفضل أن يكون هناك بديل زي الكوتش  وهيكون أفضل أنا في خطوبتي كنت  بتعذب وحاسه إنه عقاب  وكان في خطأ  تاني مهم، هو تواجد الناس  من الغريب والقريب  يفضل الخطوبة يكون الأهل فقط".

تاج وكعب مسمار

خاتم خطوبة

ورد