إيمى الجندى: دورى فى مسلسل "أعمل إيه" بعيد تماما عن شخصيتى

وقالت إيمى:"أنا مبسوطة بالدور جدا رغم انه عكس شخصيتي، وانا شوفت نموذج او اتنين من أصدقائي شبه فايزة وبشوف دايما أن البنت المسترجلة صورة بس لكن من جواها بنت رقيقة وجميلة وهادئة، بتعمل  كده عشان تحافظ على نفسها وتأخذ حقها وشخصية فايزة بعيدة عني جدا، انا عصبية لكن صعب جدا أخذ رد فعل عنيف".

وتحدثت إيمي الجندي عن تعاونها مع النجم خالد الصاوى و الفنانة صابرين، قائلة:" أنا كنت مرعوبة لكن أول ما بدأت اقرأ الأستاذ خالد الصاوي قالي برافو برافو فاطمأنيت، واحنا فعلا في الكواليس زي العائلة الحقيقية، وكنا حاسين إنهم فعلا بابا وماما".

وأضافت:" صابرين نصحتني اني أكون تلقائية واتأقلم مع الوضع عشان اعرف أتكلم ونصحنى خالد الصاوى أكون طبيعية جدا وإحنا بنشتغل بهدوء وطبيعية وتلقائية شديدة جدا واتخضيت من ردود الأفعال ، خصوصا اللي يعرفني بشخصيتي الحقيقية بيستغرب من دوري في المسلسل و بيقولولي معقول انتي يا ايمي عملتي كده".

ويعرض مسلسل "أعمل إيه" على مدار 45 حلقة من السبت إلى الأربعاء الساعة الثامنة مساءً عبر شاشة قناة DMC، فيما يعاد عرض الحلقة الساعة 2 صباحا والساعة 3 ظهرًا، بينما يأتي عرض الحلقة على شاشة قناة DMC دراما الساعة 11 مساءً، ويعاد عرضها الساعة 8 صباحا والساعة 5 مساء، فضلا عن عرضها عبر منصة Watch It الإلكترونية.

مسلسل "أعمل إيه" يتكون من 45 حلقة، وبطولة عدد كبير من النجوم وهم: صابرين، خالد الصاوى، ندى بسيونى، دنيا المصرى، نور ايهاب محمد مهران، طارق عبد العزيز، سامية الطرابلسى، نهال عنبر، صبرى عبد المنعم، أحمد جمال سعيد، أيمن عزب، ريهام الشنوانى، حمدى هيكل، مفيد عاشور، محمود الشرقاوى وعدد آخر من الفنانين، وهو من تأليف محمد الحناوى وإخراج أحمد عبد الحميد وإنتاج شركة سينرجى.