شيرى عادل: بحاول أعمل دايت بس باكل ملبن بالقشطة وأرجع أعمل دايت تانى

قالت الفنانة شيرى عادل، إنها تحاول تقليل وزنها وتلجأ لنظام غذائي، إلا أنها أحيانا أثناء قيامها بحمية غذائية معينة، تأكل "طبق ملبن بالقشطة"، وقالت: "بعملها مرة كدة كل شهرين أو 3".

وأضافت خلال لقائها مع أمير كرارة ببرنامج "سهرانين" الذي يذاع على قناة "on": "بروح الجيم عشان أعوض الأكل اللي باكله، أنا بحاول أعمل دايت، بس باكل ملبن بالقشطة وأرجع أعمل دايت تاني، هما 4 ملبن شبه القطايف، جواها قشطة".

وأكدت أنها تعاني من "فوبيا" الأدوار المرتفعة والمصاعد " الأسانسير،" منذ صغرها.

وقالت: "الأسانسيرات زمان كان الباب بتاعها حديد مفرغ، فأنا شوفت قصادي المنظر كامل والأسانسير بيقع، وأنا كنت ساكنة في الدور الـ 14، ومن يومها بقيت أطلع 14 دور وأنزل 14 دور، وبقت عقدة، ولما بسافر، بستنى في اللوبي لحد ما حد طالع ياخدني معاه".